నయా సాల్​.. నయా ఫీచర్స్​

నయా సాల్​.. నయా ఫీచర్స్​

కొత్త ఏడాదిలో కొత్త ఫీచర్లు, అప్​డేట్స్​తో యూజర్ల మనసు దోచేందుకు రెడీ అవుతున్నాయి టెక్​ కంపెనీలు. అంతేకాదు కస్టమర్ల ప్రైవసీ, సేఫ్టీని దృష్టిలో పెట్టుకుని కొత్త ఫీచర్లు తెస్తున్నాయి. ఐఫోన్​ నుంచి టెలిగ్రామ్​ యాప్​ వరకు యూజర్లు మెచ్చే ఫీచర్లు అందిస్తున్నాయి. అలాంటి కొన్ని ఫీచర్ల గురించి...

ఐఫోన్​ నుంచి పీసీలోకి..

స్మార్ట్​ఫోన్​ చూస్తున్నప్పడు ఇంట్రెస్టింగ్​ లింక్స్​ కనిపిస్తుంటాయి. వాటిని ఫోన్​లో ఓపెన్​ చేసి, చదవడం కుదరకపోవచ్చు. అలాంటప్పుడు ఫోన్​ నుంచి ఆ లింక్స్​, టెక్స్ట్​ని సిస్టమ్​లో కాపీ చేసే ఫీచర్​ ఉంటే బాగుండు అనిపిస్తుంది. యాపిల్​ కంపెనీ ఐఫోన్​, మ్యాక్​బుక్​ యూజర్ల కోసం కొత్తగా తెచ్చిన ‘హ్యాండ్​ ఆఫ్​’ ఫీచర్​ అలాంటిదే. ఈ ఫీచర్​ ఉంటే ఐఫోన్, మ్యాక్ లేదా మ్యాక్ బుక్​లో ఇన్​స్టాల్​ చేసుకోవచ్చు. ఈజీగా ఐఫోన్​లో కాపీ చేసిన టెక్స్ట్, ఫొటోలు, లింక్​ అడ్రస్​లని మాక్​బుక్​లో పేస్ట్ చేయొచ్చు. మాక్​బుక్​ నుంచి ఫోన్​లోకి కాపీ చేయొచ్చు కూడా. అదెలాగంటే... 

మ్యాక్​లో యాపిల్​ మెనూలో, సిస్టమ్​ ప్రిఫరెన్స్​లోకి వెళ్లాలి. తర్వాత జనరల్​ సెట్టింగ్​లోకి వెళ్లి, ‘అలౌ హ్యాండ్​ఆఫ్​’ పై క్లిక్​ చేయాలి. ఐ ఫోన్​లో జనరల్ సెట్టింగ్స్​​లోకి వెళ్లి ‘హ్యాండ్​ ఆఫ్​’ ఓపెన్​  చేయాలి. యాపిల్​ వాచ్​ వాడేవాళ్లు ఐఫోన్​లో యాపిల్​ వాచ్​ యాప్​లోకి వెళ్లి హ్యాండ్​ ఆఫ్​ ఫీచర్​ని ఎనేబుల్​ చేసుకోవాలి. హ్యాండ్​ ఆఫ్​ ఫీచర్​ ఎనేబుల్​ చేసి ఉంటే... ఇవన్నీ చేయొచ్చు. అయితే ఈ ఫీచర్​ పనిచేయాలంటే ఐఫోన్​, మ్యాక్​బుక్​, యాపిల్​ వాచ్​.. అన్నీ  ‘ఐ క్లౌడ్​’ అకౌంట్​లో రిజిస్టర్​ అయి ఉండాలి. ఇంటర్నెట్​ కూడా ఉండాలి.