టెక్నాలజీ అంటే సోషల్ మీడియా మాత్రమే కాదు. సైన్స్నూ టెక్నాలజీ ముందుకు తీసుకెళ్తోంది. అందులో భాగంగానే ఈ మధ్య మలేరియాకు చెక్ పెట్టే కొత్త టెక్నాలజీ కనుక్కున్నారు రీసెర్చర్లు. అంతేకాదు మరో టెక్నాలజీ త్రీడీ బయో ప్రింటింగ్తో క్యాన్సర్ ట్రీట్మెంట్ కూడా సులువుగా చేసేయొచ్చు అంటున్నారు. వాటి గురించిన వివరాలే ఇవి...
మలేరియాకు చెక్
కాలిఫోర్నియా శాన్ డియాగో యూనివర్సిటీలోని పరిశోధకులు ప్రొఫెసర్ ఒమర్ అక్బారీ లాబోరేటరీలో ఒక రీసెర్చ్ చేశారు. దోమ కాటు వల్ల వచ్చే మలేరియాను అడ్డుకోవడమే లక్ష్యంగా ఆ స్టడీ చేశారు. మలేరియా కలిగించే అనాఫిలస్ గాంబియా రకం దోమల సంతతి పెరగకుండా చేయడమే ఆ స్టడీ ఉద్దేశం. ఆఫ్రికాలోని పేదరికం ఉండే ప్రాంతాల్లో ఈ దోమలు ఎక్కువగా ఉంటాయట. అందువల్ల మలేరియాకు కారణమయ్యే ఆడ అనాఫిలస్ దోమల జనాభాని తగ్గిస్తే, దోమ కాటు సమస్య ఉండదు.. మలేరియా వ్యాధి వ్యాప్తి జరగదు అంటున్నారు రీసెర్చర్లు.
ఈ స్టడీకి మొదట ప్రాణం పోసింది ఆండ్రియా స్మిడ్లర్. ఆమె అదే యూనివర్సిటీలో బయో లాజికల్ సైన్స్ చదివిన పోస్ట్ డాక్టోరల్ స్కాలర్. ఆమెతోపాటు మరికొందరు స్టూడెంట్స్, రీసెర్చర్స్ కలిసి ‘ఇఫెజెనియా’ అనే సిస్టమ్ని తయారుచేశారు. దీని గురించి సింపుల్గా చెప్పాలంటే ఈ రీసెర్చర్లు ఫీమేల్లెస్(ఫ్లి) అనే జన్యువును తయారుచేశారు. ఇది ఆడ దోమల్లో రిప్రొడక్షన్ డెవలప్మెంట్ను అదుపు చేస్తుంది. అలా మలేరియాకి కారణమయ్యే దోమల జనాభా తగ్గిపోతుంది అంటున్నారు వాళ్లు.
త్రీడీ బయోప్రింటింగ్తో ట్రీట్మెంట్ ఈజీ
ఎక్స్రే కంటే బయోప్రింటింగ్తో ట్రీట్మెంట్ మరింత సులువు అవుతుంది అంటున్నారు ఎక్స్పర్ట్స్. ఎందుకంటే ఇప్పుడు కొత్తగా క్యాన్సర్ ట్రీట్మెంట్ కోసం త్రీడీ బయో ప్రింటింగ్ వచ్చింది. దీంతో స్కాన్ చేస్తే కణాలు, వాటిని డెవలప్ చేసే కారకాలతోపాటు, గుండెలోని గదులు, కృతిమ కీళ్లు, డెంటల్ ఇంప్లాంటేషన్స్ వంటివాటిని కూడా రియలిస్టిక్గా చూపిస్తుంది. పైగా ఇది ఎక్కువ వేగంతో, తక్కువ ఖర్చుతో అయిపోతుందని అంటున్నారు. ఉదాహరణకు చర్మం కాలిన పేషెంట్లకు స్కిన్ గ్రాఫ్ట్ అవసరమవుతుంది. అప్పుడు శరీరంలో నుంచి హెల్దీ స్కిన్ తీసి కాలిన చర్మం మీద రీప్లేస్ చేస్తారు. ఇందులో బయో ప్రింటింగ్ పాత్ర ఏంటి అంటే... కాలిన గాయం మీద చర్మ కణాలు ఈజీగా ప్రింట్ చేయొచ్చు.
దీని వల్ల కొన్నిసార్లు స్కిన్ గ్రాఫ్ట్ సర్జరీల అవసరం రాదు. క్యాన్సర్ ట్రీట్మెంట్లో కూడా బయో ప్రింటింగ్ బాగా పనిచేస్తుంది. త్రీడీ బయోప్రింటింగ్ ద్వారా శరీరంలో కణానికి–కణానికి మధ్య, కణానికి–మ్యాట్రిక్స్ మధ్య ఇంటరాక్షన్స్ జరుగుతుంది. బయోప్రింట్ తీసిన క్యాన్సర్ నమూనాలు నిజమైన ట్యూమర్లానే కనిపిస్తాయి. దాంతో తయారుచేసిన మెడిసిన్ని బయోప్రింటెడ్ నమూనాల మీద టెస్ట్ చేయొచ్చు. ఇలాచేయడం వల్ల మెడిసిన్ ఎలా పనిచేస్తుంది అనేది తెలుసుకోవడం ఈజీ అవుతుంది. దాంతో ట్రీట్మెంట్ చేయడం సులువు అవుతుంది.
