- మొబైల్‌ ద్వారానే ఓటర్ స్లిప్‌, పోలింగ్‌ స్టేషన్‌ సమాచారం
జయశంకర్‌ భూపాలపల్లి, వెలుగు : పంచాయతీ ఎన్నికలను సజావుగా నిర్వహించడం, పారదర్శకతతో పాటు ఓటర్ల సౌలభ్యం కోసం ఎన్నికల కమిషన్‌ మొదటిసారిగా ‘టి పోల్‌’ యాప్‌‌‌‌‌‌‌‌ను అందుబాటులోకి తీసుకొచ్చింది. ఆండ్రాయిడ్‌ ఫోన్‌ వాడుతున్న ఓటర్లు ప్లే స్టోర్‌ నుంచి ఈ యాప్‌‌‌‌‌‌‌‌ను డౌన్‌‌‌‌‌‌‌‌లోడ్‌ చేసుకోవచ్చు. ఈ యాప్‌ ద్వారా ఓటర్ స్లిప్‌‌‌‌‌‌‌‌ను డౌన్‌‌‌‌‌‌‌‌లోడ్‌ చేసుకోవడంతో పాటు తమ పోలింగ్‌ స్టేషన్‌ వివరాలను సైతం తెలుసుకునే అవకాశం ఉంటుంది.
యాప్‌ ఓపెన్‌ చేశాక అందులో ఈపీఐఎస్‌ నంబర్‌ ఎంటర్‌ చేసి ఓటర్ స్లిప్‌‌‌‌‌‌‌‌ను డౌన్‌ లోడ్‌ చేసుకోవచ్చు. అలాగే ఎవరైనా ఎన్నికల నియమాలను ఉల్లఘించినా, ఏమైనా సమస్యలు ఉన్న ఈ యాప్‌ ద్వారా నేరుగా ఫిర్యాదు చేయడంతో పాటు దాని స్టేటస్‌‌‌‌‌‌‌‌ను సైతం తెలుసుకునే అవకాశం ఉంది. ఈ యాప్‌ ద్వారా అందిన ఫిర్యాదులపై ఎన్నికల సంఘం తక్షణమే చర్యలు తీసుకోనుంది. ఈ యాప్‌‌‌‌‌‌‌‌పై ఓటర్లకు అవగాహన కల్పించేందుకు భూపాలపల్లి కలెక్టర్‌ రాహుల్‌‌‌‌‌‌‌‌శర్మ ఆధ్వర్యంలో విస్తృతంగా ప్రచారం చేస్తున్నారు.
