- ఆదివాసీ గిరిజన సంఘాల డిమాండ్
ముషీరాబాద్, వెలుగు: ఆదివాసీ గిరిజన సమస్యల పరిష్కారం కోసం రాష్ట్రంలో తక్షణమే ప్రత్యేక ఎస్టీ కమిషన్ను ఏర్పాటు చేయాలని తెలంగాణ ఆదివాసీ ఎరుకల సంఘం రాష్ట్ర అధ్యక్షుడు లోకిని రాజు డిమాండ్ చేశారు. ప్రపంచ ఆదివాసీ దినోత్సవాన్ని పురస్కరించుకొని శనివారం ట్యాంక్ బండ్లోనికుమ్రం భీమ్ విగ్రహం వద్ద తెలంగాణ ఆదివాసీ ఎరుకల సంఘం, గిరిజన ఐక్యవేదిక సంయుక్త ఆధ్వర్యంలో కార్యక్రమంనిర్వహించారు.
కుమ్రం భీం వర్ధంతిని అధికారిక సెలవు దినంగా ప్రకటించాలని డిమాండ్చేశారు. ఆదివాసీ అభివృద్ధి, సంక్షేమ పథకాలు అమలు చేయాలని కోరారు. లేదంటే ఉద్యమాలు ఉధృతం చేస్తామని హెచ్చరించారు. కార్యక్రమంలో వివిధ సంఘాల నాయకులు, కళాకారులు పెద్ద ఎత్తున పాల్గొన్నారు.
