భార్యా భర్తల సంబంధం అంటే మూడు ముళ్ళు వేసి, మూడు రాత్రులు గడపడంకాదు. పట్టుకున్న చేతిని వదలకుండా జీవితాంతం ఒకరికొకరు తోడుగా ఉండటం. ప్రపంచమంతా వ్యతిరేకంగా ఉన్న నీకు నేనున్నాను అనే భరోసాని ఇవ్వడం. అలాంటి భార్యాభర్తల ప్రేమకు ఓ వీడియో నిర్వచనంగా నిలుస్తోంది. భార్యాభర్తల మధ్య ప్రేమకు సమయం..స్థలంతో పనిలేదని ఈ వీడియో నిరూపిస్తోంది. తన భార్య నిద్రపోతున్న వేళ..ఆమె తలపై నిమురుతూ..తన ప్రేమను చాటుకున్నా భర్త వీడియో ప్రస్తుతం వైరల్గా మారింది.
స్వచ్ఛమైన ప్రేమకు నిదర్శనం..
ఒక వ్యక్తి కర్ణాటకలోని ఓ బస్ స్టేషన్‌లో తన భార్యతో బస్ కోసం ఎదురుచూస్తున్నాడు. అయితే అప్పటికే తన ఒడిలో నిద్రపోతున్న భార్య నుదిటిపై ప్రేమగా చేతితో నిమురుతూ ఉంటాడు. ఓ గుడ్డను కప్పుకుని భర్త ఒడిలో భార్య నిద్రపోతుంది. ఆమెను చిన్న పిల్లలా భావించే భర్త ..భార్య నిద్రపుచ్చుతూ ఉంటాడు. @Gulzar_sahab అనే నెటిజన్ పోస్ట్ చేసిన ఈ వీడియో స్వచ్ఛమైన ప్రేమకు నిదర్శనంగా నిలుస్తోంది.
వీడియో వైరల్..
ప్రస్తుతం ఈ వీడియో వైరల్గా మారి ప్రజలను హృదయాలను చేరింది. వీడియో పోస్ట్ చేసినప్పటి నుండి 20 వేల కంటే ఎక్కువ మంది వీక్షించారు. వేల సంఖ్యలో లైక్‌లు, కామెంట్స్ చేస్తున్నారు. ఈ వీడియో ప్రజల మధ్య ప్రేమను, భార్య భర్తల అనుబంధాన్ని గుర్తు చేస్తోంది.
