హైదరాబాద్: ఒకవైపు దేశమంతా స్వాతంత్ర్య వేడుకలు జరుపుకుంటుంటే.. మరోవైపు సెలవు దినం కావడంతో ఆకతాయిలు నడిరోడ్లపై హల్చల్ సృష్టించారు. శంషాబాద్ పరిధిలో 10 మంది యువకులు ఐదు స్కూటీలపై వెళ్తూ ఫ్లైఓవర్పై ప్రమాదకర స్టంట్లు చేస్తూ ప్రయాణికులకు ఇబ్బంది కలిగించారు. లంగర్ హౌస్ నుంచి నానల్ నగర్ మీదుగా వీవీఎన్ఆర్ ఎక్స్ప్రెస్ వే వైపు.. ఒకే స్కూటీపై మరో నలుగురు మైనర్లు వెళ్తూ స్టంట్లు చేశారు.
లంగర్హౌస్లో మరో ఇద్దరు యువకులు ఇలాగే స్టంట్లు చేస్తూ కనిపించారు. యువకుల ప్రమాదకర స్టంట్స్ను కొందరు వాహనదారులు వీడియోలు తీసి సోషల్ మీడియాలో షేర్ చేశారు. ఈ వీడియోలు సోషల్ మీడియాలో వైరల్గా మారాయి. రోడ్లపై ప్రమాదకర స్టంట్లు చేస్తూ ఇతర వాహనదారులను ఇబ్బందులకు గురి చేసిన ఆకతాయిలపై కఠిన చర్యలు తీసుకోవాలని నెటిజన్లు పోలీసులను కోరారు.
