- కోడ్ పరిశీలనకు 47 టీమ్లు
- జిల్లాలోకి ప్రవేశించే ఆరు చోట్ల చెక్పోస్టులు
- సీఎంసీ కౌటింగ్ సెంటర్కు వేగంగా రిపేర్లు
నిజామాబాద్, వెలుగు : పార్లమెంట్ ఎన్నికల ఏర్పాట్లలో జిల్లా యంత్రాంగం బిజీబిజీగా మారింది. కోడ్ పర్యవేక్షణతో పాటు పోలింగ్ ఏర్పాట్లలో నిమగ్నమయ్యారు. ఎంపిక చేసిన ఎలక్షన్ స్టాఫ్ 7,711 మంది ట్రైనింగ్ కోసం మాస్టర్ ట్రైనర్లను రెడీ చేశారు. అసెంబ్లీ సెగ్మెంట్ల వారీగా ఈవీఎం డిస్ట్రిబ్యూషన్ సెంటర్లలో పనులు నడుస్తున్నాయి. కౌంటింగ్ కోసం సెలెక్ట్ చేసిన డిచ్పల్లి సీఎంసీ మెడికల్కాలేజీ బిల్డింగ్ రిపేర్లు స్పీడ్గా కొనసాగుతున్నాయి.
నిఘాకు చెక్పోస్టులు
ఇందూర్కు సరిహద్దులో మహారాష్ట్ర, నిర్మల్, ఆదిలాబాద్, జగిత్యాల, రాజన్న సిరిసిల్ల జిల్లా బార్డర్స్ ఉన్నాయి. మహారాష్ట్ర నుంచి నగదు, మద్యం సరఫరా జరగకుండా పెర్కిట్, డిచ్పల్లి, సాలూరా, పోతంగల్, కందకుర్తి, మాధవ్నగర్ బ్రిడ్జి వద్ద చెక్పోస్టులు ఏర్పాటు చేశారు. మోడల్ కోడ్ పర్యవేక్షణనకు 17, స్టాటిస్టిక్స్ సర్వైలెన్స్కు 18, వీడియో సర్వైలెన్స్ 12 కలిపి మొత్తం 47 టీంలు పనిచేస్తున్నాయి.
డిస్ట్రిబ్యూషన్ సెంటర్స్‌ లో సీసీలు
జిల్లాలోని ఐదు అసెంబ్లీ సెగ్మెంట్లతో పాటు బాన్సువాడ నియోజకవర్గ ఎన్నికల బాధ్యత జిల్లా కలెక్టర్ రాజీవ్గాంధీకే కేంద్ర ఎన్నికల సంఘం (సీఈసీ) అప్పగించింది. మొత్తం 14,06,785 ఓటర్ల కోసం 1,549 పోలింగ్ కేంద్రాలను ఇప్పటికే నిర్ణయించారు. డిస్ట్రిబ్యుషన్ సెంటర్ కోసం బాల్కొండలో గవర్నమెంట్ జూనియర్ కాలేజీ, బోధన్, ఆర్మూర్లో గవర్నమెంట్ డిగ్రీ కాలేజీ బిల్డింగ్లు, అర్బన్, రూరల్ కోసం సీఎంసీ కాలేజీ, బాన్సువాడలో
శ్రీరాం నారాయణ ఖేడియా డిగ్రీ కాలేజీ భవనాన్ని ఎంపిక చేశారు. అక్కడ క్లోజ్‌ సర్య్కూట్‌ కెమెరాలు, ఫైర్ అలారం పరికరాలు బిగించే నిర్ణయం తీసుకున్నారు.డిచ్పల్లిలోని క్రిస్టియన్ మెడికల్ కాలేజీ బిల్డింగ్ను (సీఎంసీ) కౌంటింగ్ కోసం ఎంపిక చేసినందున స్పీడ్గా దానిని సిద్ధం చేస్తున్నారు. అర్బన్, రూరల్ సెగ్మెంట్ డిస్ట్రిబ్యూషన్ సెంటర్గా ఈ భవనాన్నే వాడాలని డిసైడ్ అయ్యారు.
7,711 మంది స్టాఫ్
జిల్లాలోని పార్లమెంట్ స్థానం ఎన్నికకు మొత్తం 7,711 మంది సిబ్బందిని ఎంపిక చేశారు. ఇందుకు సంబంధించిన ర్యాండమైజేషన్ పూర్తయింది. 2,008 పోలింగ్ ఆఫీసర్లు, 2,056 ఏపీవోలు, 3,647 ఓపీవోలు,342 మైక్రో అబ్జర్వర్లను ఎంపిక చేశారు. జిల్లాలో 326 మంది రౌడీ షీటర్లు ఉండగా వారిపై సీపీ కల్మేశ్వర్ అధ్వర్యంలో నిరంతర పోలీసు నిఘా కొనసాగుతోంది.
