ఆరోగ్యంగా ఉండడానికి ఎక్సర్సైజ్ చేయడం చాలా ముఖ్యం. అందుకని ఫిట్నెస్ గోల్ పెట్టుకుని ప్లానింగ్ వేసుకుంటారు చాలామంది. కానీ, కొందరు ‘రేపటి నుంచి చేద్దాం లే’ అనుకుంటూ వాయిదా వేస్తారు. మరికొందరేమో రెండు మూడు రోజులు లేదంటే వారాంతాల్లో వ్యాయాయం చేసి ‘హమ్యయ్య’ అనుకుంటారు. అయితే రెగ్యులర్గా వర్కవుట్ చేస్తేనే రిజల్ట్ కనిపిస్తుంది అంటున్నారు ఫిట్నెస్ ఎక్స్పర్ట్స్. ఇష్టంగా వ్యాయామం చేసేందుకు ఏం చేయాలో చెప్పారు కూడా.
ఎక్సర్సైజ్ చేసే ముందు వామప్ చేయడం చాలా ముఖ్యం. అందుకని దాదాపు ఎనిమిది నిమిషాలు జాయ్ వర్కవుట్స్ చేయాలి. అంటే... గాల్లో ఎగరాలి. గెంతాలి. ఒకపక్క నుంచి మరోపక్కకు వాలినట్టు కొంచెం సేపు నిల్చోవాలి. ఈ జాయ్ వర్కవుట్స్ చేస్తే ఎక్సర్సైజ్ చేసేందుకు కావాల్సిన ఉత్సాహం వస్తుంది.
- ఎప్పుడూ ఇండోర్లో వర్కవుట్లు చేయాలంటే బోర్ కొడుతుంది. అందుకని రోజూ కాకపోయినా అప్పుడప్పుడు ఆరు బయట వ్యాయామం చేయాలి. పచ్చని చెట్లు, పూల మొక్కలు ఉన్న దారిలో కాసేపు నడిస్తే... ఎండార్ఫిన్లు విడుదలవుతాయి. దాంతో మనసుకి ఆహ్లాదంగా ఉంటుంది. పార్క్ లేకుంటే ఉదయాన్నే ఎండలో నిల్చొని గట్టిగా గాలి పీల్చుకోవాలి. వర్కవుట్లు చేసేటప్పుడు జాగింగ్, రన్నింగ్ చేస్తున్నప్పుడు పాటలు విన్నా అలసట తెలియదు. మరింత జోష్గా ఎక్సర్సైజ్ చేస్తారు.
- కొందరు ఉదయం, మరికొందరు సాయంత్రం జిమ్ చేస్తారు. అయితే జిమ్లో ఒకరిద్దరు కాకుండా గ్రూప్గా వర్కవుట్స్ చేస్తే తొందరగా అలసిపోయినట్టు అనిపించదు. ఎక్సర్సైజ్ చేయడాన్ని ఎంజాయ్ చేస్తారు.
- అంతేకాదు వర్కవుట్ చేసి బరువు తగ్గినవాళ్లు, ఫిట్గా మారినవాళ్లని చూసి ఇన్స్పైర్ అవుతారు కూడా. ఇవేకాకుండా... వారంలో ఒకరోజు జిమ్ మెంబర్స్తో కలిసి ఫన్ గేమ్స్ ఆడితే మంచిది. దాంతో మానసికంగా కూడా బలంగా అవుతారు.
