ఆన్లైన్లో అయినా డైరెక్ట్గా అయినా సరిజోడుని వెతుక్కోవాలంటే చాలా విషయాలు ఆలోచిస్తారు. జాబ్, ప్రొఫైల్, హ్యాబిట్స్... ఇలా అన్నీ నచ్చితేనే ఓకే చెబుతారు. ఈ మధ్య లవ్ కార్నర్లోకి వ్యాక్సిన్ కూడా చేరిపోయింది. చాలామంది అమ్మాయిలు వ్యాక్సిన్ వేసుకోని వాళ్ల ప్రొఫైల్ కనీసం చూడను కూడా చూడట్లేదట. లవ్లైఫ్లకరోనా తెచ్చిన ఈ ట్రెండ్ గురించి డేటింగ్ యాప్స్ అనాలసిస్ ఇలా ఉంది..ఒక వ్యక్తి పర్సనాలిటీని అంచనా వేసేందుకు వ్యాక్సినేషన్ కొలమానంగా పనికొస్తుందట. ప్రొఫైల్ ఎంత బాగున్నా కూడా వ్యాక్సిన్ వేసుకోకుంటే మ్యాచింగ్ సెట్ కావడం లేదట. దాదాపు 41 శాతం మంది అమ్మాయిలు తమకు బాగా నచ్చిన వ్యక్తి వ్యాక్సిన్ వేసుకోకున్నా, వ్యాక్సినేట్ అయ్యేందుకు ఆసక్తి చూపించకున్నా మొహమాట పడకుండా ‘నో’ చెప్పేస్తున్నారట.
‘ఐ యామ్ వ్యాక్సినేటెడ్’ బ్యాడ్జ్
ఇప్పుడు చాలా డేటింగ్ యాప్స్ వ్యక్తిగత ప్రొఫైల్లో ‘ఐ యామ్ వ్యాక్సినేటెడ్’ బ్యాడ్జ్ని తీసుకొచ్చాయి. దాంతో, వ్యాక్సిన్ వేసుకున్న వాళ్ల ప్రొఫైల్స్ మాత్రమే చూసేందుకు ఆసక్తి చూపిస్తున్నారు యూజర్లు. ‘‘డేటింగ్ యాప్స్లో వ్యాక్సినేషన్పై చర్చించడం76% పెరిగింది. గత జూన్ వరకు యూజర్లలో 69% మంది మగవాళ్లు, 71% ఆడవాళ్లు ‘మేము కరోనా వ్యాక్సిన్ వేసుకుంటాం’ అని చెప్పారు. ‘ఐ యామ్ వ్యాక్సినేటెడ్’ బ్యాడ్జ్ పెట్టాక, మ్యాచింగ్స్ 35 % పెరిగాయి. మిగతా యూజర్లు త్వరలోనే వ్యాక్సిన్ వేసుకోబోతున్నారు” అంటున్నాడు ‘ఓకే క్యుపిడ్ ఇండియా’ డైరెక్టర్ అనుకూల్ కుమార్.
ఫస్ట్ డోస్ తీసుకున్నా ‘ఓకే’
“మా యూజర్లలో 80 శాతం మంది వ్యాక్సిన్ వేసుకోని వాళ్లతో బయటకి వెళ్లడానికి ఇష్టపడట్లేదు. దాదాపు 30 శాతం మందికి పైగా కొత్త యూజర్లు తమ ప్రొఫైల్లో ‘ఐ యామ్ వ్యాక్సినేటెడ్’ బ్యాడ్జిని యాడ్ చేసుకున్నారు” అని చెబుతున్నాడు ‘క్వాక్క్వాక్’ డేటింగ్ యాప్ సీఈవో రవి మిట్టల్. కనీసం ఫస్ట్ డోస్ తీసుకున్న వాళ్లతో డేట్కి వెళ్లేందుకు 60% మంది యూజర్లు ఇంట్రెస్ట్ చూపిస్తున్నారని ‘వూ’ డేటింగ్ యాప్ అనాలసిస్ చెబుతోంది
