మంత్రి సత్యవతి రాథోడ్
హైదరాబాద్, వెలుగు: రాష్ట్రంలో గిరిజన పల్లెలకు 3 ఫేజ్ కరెంటు అందించాలని మంత్రి సత్యవతి రాథోడ్ అధికారులను ఆదేశించారు. గిరిజన గ్రామాలన్నింటికీ విద్యుదీకరణ, గిరిజన వ్యవసాయం, పరిశ్రమలకు 3ఫేజ్ విద్యుత్ కల్పన, గిరివికాసం అమలుపై .. మంత్రి సంక్షేమ భవన్లో శనివారం రివ్యూ చేశారు. రాష్ట్రంలో కరెంట్ సౌలత్ లేని గిరిజన పల్లెలకు 3 ఫేజ్ విద్యుత్ అందించడంపై ఇప్పటికే సర్వే చేసి 3,467 ఆవాసాలను గుర్తించామని, ఇందులో 2,795 గ్రామాలకు 3 ఫేజ్ విద్యుదీకరణ పూర్తయిందని అన్నారు. మిగిలిన 19 శాతం పల్లెల పనులు జరుగుతున్నాయని తెలిపారు. విద్యుదీకరణ జరగని గ్రామాలకు వెంటనే కరెంట్ సౌలత్ కల్పించాలన్నారు. లైన్లు వేయలేని గిరిజన పల్లెలకు సోలార్ విద్యుత్ ఏర్పాటు చేయాలని ఆదేశించారు. అటవీ, విద్యుత్ శాఖల అధికారులు, జిల్లాల కలెక్టర్లతో కలిసి పనిచేయాలన్నారు.
మరిన్ని వార్తల కోసం:
