పొలాలకు వెళ్లేందుకు కొంత మంది రైతులు వెదురు బొంగుతో బ్రిడ్జిలా ఏర్పాటు చేసుకొని వాగు దాటుతున్నారు. లింగాల మండలం అప్పాయిపల్లి గ్రామానికి కొద్ది దూరంలో లింగమయ్య వాగు ప్రవహిస్తుంది. వాగు అవతల 30 మంది రైతులకు 100 ఎకరాల భూమి ఉంది. గత శనివారం రైతులు తమ పొలాలకు వెళ్లారు. సాయంత్రం తిరిగి వచ్చే సమయంలో వాగు ఉధృతంగా ప్రవహిస్తుండడంతో 3 కిలోమీటర్ల దూరం నడిచి ట్రాక్టర్ సాయంతో ఇండ్లకు చేరుకున్నారు. ఈ సమస్యను అధిగమించేందుకు రైతులు వెదురు బొంగుతో చిన్నపాటి బ్రిడ్జి నిర్మించుకున్నారు. పొలాలకు వెళ్లేందుకు తిప్పలు పడుతున్నామని, చిన్నపాటి బ్రిడ్జి నిర్మిస్తే తమ సమస్య తీరుతుందని చెప్పారు. - లింగాల, వెలుగు
