కోడేరు, వెలుగు : సీనియర్ల పేరుతో ఎవరైనా ర్యాగింగ్ కు పాల్పడితే చర్యలు తప్పవని అడిషనల్ జూనియర్ సివిల్ జడ్జి ఆర్.శరణ్య హెచ్చరించారు. మంగళవారం పెద్దకొత్తపల్లి మండల కేంద్రంలోని కస్తూర్బా బాలికల విద్యాలయంలో న్యాయ విజ్ఞాన సదస్సు నిర్వహించారు. ఈ సందర్భంగా జడ్జి మాట్లాడుతూ చట్టాలపై బాలికలు అవగాహన కలిగి ఉండాలని సూచించారు.
మహిళలకు అన్ని రంగాల్లో రిజర్వేషన్ ఉంటుందని, ఈ అవకాశాన్ని సద్వినియోగం చేసుకోవాలని చెప్పారు. బాలికలకు ఏమైనా సమస్యలుంటే తల్లిదండ్రులు లేదా అధ్యాపకులకు చెప్పాలన్నారు. బాలికల రక్షణ కోసం అనేక చట్టాలు ఉన్నాయని పేర్కొన్నారు. బాల్యవివాహాలు, ఆన్లైన్ బెట్టింగ్స్, సోషల్ మీడియాకు విద్యార్థులు దూరంగా ఉండాలని చెప్పారు. కార్యక్రమంలో గ్రామ సర్పంచ్ బెట్టరీ రేణుకనాగరాజు, ప్రిన్సిపాల్ వీఎస్ ప్రమీల, ఎస్ఐ వి.సతీశ్, అడ్వకేట్స్, విద్యార్థినులు పాల్గొన్నారు.
