అహ్మదాబాద్: సొంతగడ్డపై టీమిండియా మరో సిరీస్ విజయంపై గురి పెట్టింది. ఇప్పటికే వన్డే సిరీస్ను చేజిక్కించుకున్న ఇండియా... బుధవారం న్యూజిలాండ్తో జరిగే థర్డ్ టీ20లో నెగ్గి ఈ సిరీస్నూ సొంతం చేసుకోవాలని టార్గెట్గా పెట్టుకుంది. మూడు మ్యాచ్ల సిరీస్లో ప్రస్తుతం ఇరుజట్లు 1–1తో సమంగా ఉన్నాయి. ఈ నేపథ్యంలో రెండు జట్లు గెలుపే లక్ష్యంగా బరిలోకి దిగుతున్నాయి. అయితే గత పదేళ్లలో ఫార్మాట్లకు అనుగుణంగా టీమిండియా 55 బైలేటరల్ సిరీస్లు ఆడితే.. 47 నెగ్గింది. కేవలం 2015లో సౌతాఫ్రికా, 2019లో ఆస్ట్రేలియా మాత్రమే ఇండియాపై విజయాలు సాధించాయి. ఇక న్యూజిలాండ్ అయితే ఒక్కసారి కూడా సిరీస్ నెగ్గిన దాఖలాల్లేవు. దీంతో జోరు కొనసాగించాలని పాండ్యాసేన.. హిస్టరీని తిరగరాయాలని కివీస్ ప్లాన్స్ రెడీ చేస్తున్నాయి.
టాపార్డర్పై ఒత్తిడి..
ఈ మ్యాచ్ కోసం ఇండియా ఫైనల్ ఎలెవన్లో మార్పులు చేయడం లేదు. అయితే గత మ్యాచ్ల్లో విఫలమైన టాపార్డర్పై తీవ్ర ఒత్తిడి నెలకొంది. ఓపెనింగ్లో గిల్, ఇషాన్తో పాటు రాహుల్ త్రిపాఠి ఫామ్పై ఆందోళన కొనసాగుతున్నది. అయితే ఈ సిరీస్ తర్వాత టీ20 మ్యాచ్లు లేకపోవడం, వన్డే వరల్డ్కప్ ప్రిపరేషన్స్ ఉండటంతో యంగ్స్టర్స్ భారీ స్కోర్లపై దృష్టి సారించారు. దీపక్ హుడాకు ఇదే లాస్ట్ చాన్స్. సూర్యకుమార్, పాండ్యా, సుందర్ ఫామ్లో ఉండటం కలిసొచ్చే అంశం. బౌలింగ్లో శివమ్ మావి, అర్ష్దీప్ సింగ్ను కొనసాగించొచ్చు. లక్నో మ్యాచ్ అర్ష్దీప్లో కాన్ఫిడెన్స్ పెంచింది. టర్నింగ్ వికెట్ అయితే కుల్దీప్తో పాటు చహల్ను కూడా తుది జట్టులోకి తీసుకోవచ్చు. అప్పుడు ఉమ్రాన్ మాలిక్ బెంచ్కు పరిమితమవుతాడు.
కివీస్ అదే జట్టుతో!
ఇండియాలో సిరీస్ గెలిచే అరుదైన చాన్స్ రావడంతో కివీస్ కూడా ఈ మ్యాచ్ కోసం భారీ ఫ్లాన్స్ రెడీ చేస్తోంది. అయితే తుది జట్టును మార్చకపోయినా.. ఆర్డర్లో మార్పులు ఉండొచ్చని సంకేతాలిచ్చింది. ఇందుకోసం మిడిలార్డర్ను మరింత బలోపేతం చేయనుంది. గ్లెన్ ఫిలిప్స్పై భారీ ఆశలు పెట్టుకున్నా ఇప్పటివరకు సక్సెస్ కాలేదు. బ్రేస్వెల్ నుంచి మరో భారీ ఇన్నింగ్స్ను ఆశిస్తున్నారు. చాప్మన్ కూడా కీలకం కానున్నాడు. గత మ్యాచ్లో ఎనిమిది మంది బౌలర్లు ఉపయోగించినా అనుకున్న ఫలితాన్ని రాబట్టలేకపోయారు. దీంతో ఈసారి బౌలింగ్ కాంబినేషన్లో మార్పులు చేస్తారేమో చూడాలి.
జట్ల (అంచనా)
ఇండియా: హార్దిక్ (కెప్టెన్), గిల్, ఇషాన్, రాహుల్ త్రిపాఠి, సూర్యకుమార్, దీపక్ హుడా, వాషింగ్టన్ సుందర్, శివమ్ మావి, కుల్దీప్ యాదవ్, ఉమ్రాన్ మాలిక్, అర్ష్దీప్ సింగ్.
న్యూజిలాండ్: శాంట్నర్ (కెప్టెన్), ఫిన్ అలెన్, కాన్వే, చాప్మన్, గ్లెన్ ఫిలిప్స్, డారిల్ మిచెల్, మైకేల్ బ్రేస్వెల్,సోధీ, ఫెర్గుసన్, డఫీ, టిక్నర్.
