ఆర్మ్‌ రెస్ట్‌
ఎక్కువసేపు కంప్యూటర్ ముందు కూర్చుని పనిచేసేవాళ్లలో చాలామందికి భుజాల నొప్పి వస్తుంది. దానికి కారణం.. చైర్‌‌‌‌‌‌‌‌‌‌‌‌‌‌‌‌కి ఉండే ఆర్మ్‌ రెస్ట్‌ టేబుల్ కంటే తక్కువ ఎత్తులో ఉండడమే. అందుకే.. ఏబీ సేల్స్‌ అనే కంపెనీ ఈ టేబుల్ రెస్ట్‌‌‌‌‌‌‌‌ని మార్కెట్‌‌‌‌‌‌‌‌లోకి తీసుకొచ్చింది. దీన్ని మన్నికైన ఏబీఎస్ ప్లాస్టిక్‌‌‌‌‌‌‌‌తో తయారు చేశారు. దీనికి పై భాగంలో ప్యాడెడ్ మెమరీ ఫోమ్ ఉంటుంది. ఆ ఫోమ్ వల్ల మణికట్టు, భుజం మీద పడే ఒత్తిడి తగ్గుతుంది. దీన్ని టేబుల్కు ఈజీగా ఎటాచ్ చేయొచ్చు. ఎడమ, కుడి పక్కలకు180 డిగ్రీల యాంగిల్ వరకు అడ్జెస్ట్ చేసుకోవచ్చు. దీన్ని వాడడం వల్ల బ్లడ్ సర్క్యులేషన్ కూడా బాగుంటుంది.
ధర : 479 రూపాయలు
హివాగీ
ఈ డెస్క్ హ్యుమిడిఫయర్ మూడు రకాలుగా ఉపయోగపడుతుంది. దీన్ని హివాగీ కంపెనీ మార్కెట్‌‌‌‌‌‌‌‌లోకి తెచ్చింది. ఎల్‌‌‌‌‌‌‌‌ఈడీ డిజిటల్ క్లాక్, అలారం, హ్యుమిడిఫయర్‌‌‌‌‌‌‌‌‌‌‌‌‌‌‌‌లా పనిచేస్తుంది. దీన్ని 10 వోల్ట్స్‌ ఎడాప్టర్‌‌‌‌‌‌‌‌‌‌‌‌‌‌‌‌తో ఛార్జ్‌ చేయాలి. 180 ఎంఎల్ వాటర్ ట్యాంక్ ఉంటుంది. దానివల్ల ఎక్కువసేపు హ్యుమిడిఫికేషన్ ఇస్తుంది. ట్యాంక్‌‌‌‌‌‌‌‌లో నీళ్లు లేకపోతే.. ఆటోమేటిక్‌‌‌‌‌‌‌‌గా పవర్-ఆఫ్ అయిపోతుంది. ఒకసారి నీళ్లను నింపితే దాదాపు 8 గంటలు నాన్‌‌‌‌‌‌‌‌స్టాప్‌‌‌‌‌‌‌‌గా పనిచేస్తుంది. అరోమా డిఫ్యూజర్‌ వల్ల మానసిక ప్రశాంతత కూడా కలుగుతుంది. హ్యూమిడిఫయర్ ఇంట్లో గాలి నాణ్యతను పెంచుతుంది కూడా. పెంపుడు జంతువులు, స్మోకింగ్ వల్ల వచ్చే వాసన కూడా తగ్గుతుంది. ఇది అల్ట్రాసోనిక్ ఎసెన్షియల్ మిస్ట్ ఆయిల్ డిఫ్యూజర్‌‌‌‌‌‌‌‌‌‌‌‌‌‌‌‌లా పనిచేసి గదిని సువాసనతో నింపుతుంది. కాకపోతే... ఇందులో నీళ్లతో పాటు ఐదు లేదా పది చుక్కల ఎసెన్షియల్ ఆయిల్ కలపాలి.
ధర: 2,500 రూపాయలు
అండర్ డెస్క్ డ్రాయర్
ఈ మధ్య తక్కువ బడ్జెట్‌‌‌‌‌‌‌‌లో వస్తున్న కంప్యూటర్ టేబుళ్లకు డ్రాయర్లు ఉండడం లేదు. అందుకే అజస్కోప్ అనే కంపెనీ పెన్నులు, పెన్‌‌‌‌‌‌‌‌డ్రైవ్లు, చిన్న చిన్న వస్తువులు దాచుకోవడానికి డిటాచబుల్ అండర్ డెస్క్ డ్రాయర్‌‌‌‌‌‌‌‌‌‌‌‌‌‌‌‌ని తీసుకొచ్చింది. దీన్ని డెస్క్ కింద ఈజీగా స్టిక్‌ చేసుకోవచ్చు. క్వాలిటీ బేరింగ్‌‌‌‌‌‌‌‌తో వస్తుంది. అంతేకాదు.. డస్ట్‌ ఫ్రూఫ్ టెక్నాలజీతో బిల్డ్‌ చేశారు. బాక్స్‌‌‌‌‌‌‌‌లో దుమ్ము పేరుకుపోదు. ఈ డెస్క్ డ్రాయర్ను ఇన్‌‌‌‌‌‌‌‌స్టాల్ చేయడం కూడా చాలా ఈజీ. గ్లూపైన ఉండే స్టిక్కర్‌‌‌‌‌‌‌‌‌‌‌‌‌‌‌‌ని తీసేసి అతికించుకోవచ్చు.
ధర: 329 రూపాయలు
ఇన్ఫినిటీ గ్లాస్
డెస్క్ ముందు వర్క్‌ బిజీలో ఉన్నప్పుడు.. చేయాల్సిన పనులు కొన్నిసార్లు మర్చిపోతుంటాం. టు–డు లిస్ట్‌‌‌‌‌‌‌‌లో యాడ్ చేసుకున్నా కొన్నిసార్లు గుర్తుండదు. అలాంటప్పుడు ఈ ఇన్ఫినిటీ గ్లాస్ డెస్క్‌‌‌‌‌‌‌‌టాప్ ప్యాడ్‌‌‌‌‌‌‌‌ని వాడితే సరిపోతుంది. క్వార్టెట్‌ అనే కంపెనీ మార్కెట్‌‌‌‌‌‌‌‌లోకి తీసుకొచ్చింది. కీబోర్డ్, మానిటర్ మధ్యలో ఇన్ఫినిటీ గ్లాస్ను పెట్టుకోవచ్చు. దీనిపై మార్కర్‌‌‌‌‌‌‌‌‌‌‌‌‌‌‌‌తో రాయొచ్చు. తుడిపేయెచ్చు. ఈ గ్లాస్కు డ్రాయర్ కూడా ఉంటుంది. అందులో పెన్నులు, మార్కర్లు వంటివి పెట్టుకోవచ్చు.
ధర: 1,999 రూపాయలు
