రాకిడ్ రష్ హెడ్ ఫోన్స్
పిల్లల కోసం వైర్లెస్ బ్లూటూత్ హెడ్ఫోన్స్ తీసుకొచ్చింది బోట్ కంపెనీ. వీటిని రాకిడ్ రష్ హెడ్ఫోన్స్ అంటారు. సాఫ్ట్ ఇయర్ కప్స్, లైట్ వెయిట్, డ్యూరబుల్, అడ్జస్టబుల్, అడాప్టబుల్ మెటీరియల్స్ వాడి డిజైన్ చేశారు. సాఫ్ట్గా, స్కిన్ ఫ్రెండ్లీగా ఉండే ఇయర్ కప్స్ వల్ల సేఫ్, కంఫర్టబుల్గా హెడీ క్వాలిటీ మ్యూజిక్ వింటూ ఎంజాయ్ చేయొచ్చు. వీటిలో35 డిబి వరకు నాయిస్ క్యాన్సిలేషన్తోపాటు 85 డెసిబుల్స్ (డిబి) సౌండ్ లిమిట్ ఉంది. దీని బ్యాటరీ 10 గంటలు పనిచేస్తుంది. ఛార్జింగ్ కోసం యుఎస్బి టైప్ -సి ఫాస్ట్ ఛార్జింగ్, వాల్యూమ్, ట్రాక్ ఛేంజ్ కోసం టచ్ కంట్రోల్, డ్యూయల్ కనెక్టివిటీ బ్లూటూత్, మల్టీ డివైజ్ పెయిరింగ్, ఫోన్ కాల్స్, వాయిస్ అసిస్టెంట్, మైక్రో ఫోన్ ఉంది. రాకిడ్ రష్ హెడ్ ఫోన్స్ 20హెచ్జెడ్– 20 కెహెచ్జెడ్ ఫ్రీక్వెన్సీ, 360 గ్రాముల బరువుతో అన్ని రకాల బ్లూటూత్ డివైజ్లకు సరిపోయేలా తయారుచేశారు. వీటిలో రకరకాల డిజైన్లు, షేప్స్, కలర్స్ కూడా ఉన్నాయి. ఇవి ఆన్లైన్లో దొరుకుతాయి.
ధర : 1,499 రూపాయలు
ఫిడ్జెట్ టాయ్
పిల్లల్ని అల్లరి చేయకుండా ఉంచేందుకు పేరెంట్స్ చాలా ప్రయత్నిస్తుంటారు. మాట విననప్పుడు కోపంతో రెండు దెబ్బలు కూడా వేస్తుంటారు. అలాగే కొందరు పెద్దవాళ్లు బాగా ఒత్తిడిలో ఉన్నప్పుడు కాలు ఊపడం, పెన్ పట్టుకుని క్లిక్ చేయడం, బబుల్ ర్యాప్ పాపింగ్ చేయడం వంటివి చేస్తుంటారు. ఈ రెండు సందర్భాల్లో ఈ గాడ్జెట్ బాగా పనిచేస్తుంది. అల్లరి చేసే పిల్లలకు, స్ట్రెస్లో ఉన్న పెద్దవాళ్ల చేతికి ఫిడ్జెట్ టాయ్ ఇచ్చేస్తే సరి. చూడ్డానికి అది రూబిక్స్ క్యూబ్లా ఉన్నా దాంతో రకరకాల షేప్స్ తయారుచేయొచ్చు. దీనివల్ల బ్రెయిన్ ఫోకస్ పెరుగుతుంది. మైండ్ రిలాక్స్ అవుతుంది. ఎక్కడికి వెళ్లినా వెంట తీసుకెళ్లొచ్చు. దీన్ని ఒక చేత్తోనే ఆడుకోవచ్చు. చిన్న సైజ్, లైట్ వెయిట్తో ఉంటుంది. దీన్ని తయారుచేసింది చిక్ బడ్డీ బ్రాండ్.
ధర : 279 రూపాయలు
బేబీ ఫోన్
పెద్దవాళ్లు ఏం చేస్తే అదే పిల్లలు కూడా చేయాలనుకుంటారు. ఫోన్ పట్టుకుని మాట్లాడడం కూడా నేటి జనరేషన్కి అలవాటు అవుతోంది. అయితే పిల్లల కోసం బేబీ ఫోన్ టాయ్ మార్కెట్లో ఉంది. ప్లస్ పాయింట్ బ్రాండ్ దీన్ని డిజైన్ చేసింది. చూసేందుకు బొమ్మ కారులా ఉంటుంది. దాని పైన ఫోన్, నెంబర్స్ కనిపిస్తాయి. ఫోన్ చేత్తో పట్టుకుని, నెంబర్లు నొక్కితే రకరకాల మ్యూజిక్, నెంబర్స్, సౌండ్స్, లైట్స్ వంటివి వస్తాయి. ఈ బేబీ ఫోన్ 6 నెలల నుంచి 3 సంవత్సరాల లోపు పిల్లలకు చాలా బాగుంటుంది. దీనికి మూడు బ్యాటరీలు వేసి వాడాల్సి ఉంటుంది. ఈ ప్రొడక్ట్ మల్టీ కలర్స్లో అందుబాటులో ఉంది. ఆన్లైన్లో అతి తక్కువ ధరకే దొరుకుతుంది ఈ బుజ్జి ఫోన్.
ధర : 499 రూపాయలు
టాకింగ్ ఫ్లాష్ కార్డ్స్
ఈ గాడ్జెట్లో జంతువుల గొంతు వినిపిస్తుంది. రకరకాల జంతువుల గొంతులు ఇమిటేట్ చేసి పిల్లల్ని నవ్విస్తుంటారు. అలాగే వాటి సౌండ్స్ గుర్తుపట్టి ఆ జంతువు పేరు చెప్పమని అడుగుతుంటారు. అయితే అందరూ అన్ని రకాల వాయిస్లు ఇమిటేట్ చేయలేరు కదా. అలాంటప్పుడు ఈ గాడ్జెట్ బాగా పనికొస్తుంది. దీనికి కొన్ని జంతువుల బొమ్మలు ఉన్న కార్డ్స్ వస్తాయి. వాటిని గాడ్జెట్ లోపల పెట్టి బటన్ నొక్కితే ఆ జంతువుల అరుపులు బయటకు వినిపిస్తాయి. అప్పుడు పిల్లలు దాని గొంతుతోపాటు, బొమ్మను చూసి జంతువుని కూడా గుర్తుపెట్టుకుంటారు. దీన్ని ఇంట్లో, స్కూల్లో ఎక్కడైనా ఆడుకోవచ్చు. గిఫ్ట్ ఇవ్వడానికి బెస్ట్ ఛాయిస్ ఇది. మెమొరీ స్కిల్స్, రీడింగ్ స్కిల్స్ పెరుగుతాయి. ఇలాంటి ఎడ్యుకేషనల్ టాయ్ మూడేండ్ల నుంచి ఆరేండ్ల పిల్లలకు బాగా పనికొస్తుంది.
ధర : 344 రూపాయలు
