"నీళ్లు పారాల్సిన ప్రాజెక్టుల్లో నిర్వాసితుల కన్నీళ్లు పారుతున్నాయని టీపీసీసీ చీఫ్ రేవంత్ రెడ్డి అన్నారు. భూ నిర్వాసితులకు, పోలీసులకు మధ్య తోపులాటపై స్పందించిన ఆయన.. బీళ్లు తడపాల్సిన ప్రాజెక్టులు నిర్వాసితుల రక్తంతో తడుస్తున్నాయని తెలిపారు. సిద్ధిపేట జిల్లా గౌరవెల్లి-గండిపెల్లి నిర్వాసితులపై అర్ధరాత్రి పోలీసుల దాడిని తీవ్రంగా ఖండిస్తున్నా. వారికి న్యాయం జరిగే వరకు కాంగ్రెస్ అండగా ఉంటుందని రేవంత్ రెడ్డి ట్వీట్ చేశారు.
గౌరవెల్లి-గండిపెల్లి భూ నిర్వాసితులను అరెస్ట్ చేసే టైంలో పోలీసులకు, గ్రామస్తులకు మధ్య వాగ్వాదం జరిగింది. ముందస్తు అరెస్టులను నిరసిస్తూ గ్రామస్తులు ఆందోళనకు దిగగా... భూ నిర్వాసితులకు, పోలీసులకు మధ్య తోపులాట జరిగింది. ఈ నేపథ్యంలో పరిస్థితిని కంట్రోల్ చేసేందుకు పోలీసులు లాఠీచార్జ్ చేశారు. పలువురు భూనిర్వాసితులకు గాయాలు కూడా అయ్యాయి. దీంతో ఆ గ్రామంలో పోలీసులు భారీగా మోహరించారు. ఈ క్రమంలోనే రేవంత్ రెడ్డి ఈ వ్యాఖ్యలు చేశారు.
నీళ్లు పారాల్సిన ప్రాజెక్టుల్లో నిర్వాసితుల కన్నీళ్లు పారుతున్నాయి.బీళ్లు తడపాల్సిన ప్రాజెక్టులు నిర్వాసితుల రక్తంతో తడుస్తున్నాయి
— Revanth Reddy (@revanth_anumula) June 13, 2022
సిద్ధిపేట జిల్లా గౌరవెల్లి-గండిపెల్లి నిర్వాసితులపై అర్ధరాత్రి పోలీసుల దాడిని తీవ్రంగా ఖండిస్తున్నా
వారికి న్యాయం జరిగే వరకు కాంగ్రెస్ అండగా ఉంటుంది pic.twitter.com/i0arUrBOq2
