అడ్డాకుల, వెలుగు: ప్రభుత్వం పంపిణీ చేస్తున్న ట్రాన్స్ఫార్మర్లను రైతులు వినియోగించుకోవాలని దేవరకద్ర ఎమ్మెల్యే మధుసూదన్ రెడ్డి అన్నారు. మహబూబ్నగర్ జిల్లా మూసాపేట మండలం జానంపేట సబ్ స్టేషన్ లో మంగళవారం అడ్డాకుల, మూసాపేట, భూత్పూర్ మండలాలకు అగ్రికల్చర్ వినియోగదారుల ట్రాన్స్ఫార్మర్స్ ను పంపిణీ చేశారు.
ఈ సందర్భంగా ఆయన మాట్లాడుతూ గ్రామాల్లో లో వోల్టేజీ సమస్యను పరిష్కరించేందుకే ట్రాన్స్ఫార్మర్లను అందజేస్తున్నట్లు తెలిపారు. అడ్డాకులకు 12, భూత్పూర్ కు 31, మూసాపేటకు 14 మొత్తం 57 ట్రాన్స్ఫార్మర్లను రైతులకు పంపిణీ చేశారు. కార్యక్రమంలో ఏఈలు అరుణ్ కుమార్, కిరణ్ కుమార్, మెట్ శాల, రైతులు, నాయకులు పాల్గొన్నారు.
