ట్రంప్ ప్రభుత్వ కాలంలో భారత్ మీద ట్రేడ్‌లో వివిధ విధాలుగా ప్రభావం చూపాడు. అమెరికా అధ్యక్షుడిగా ట్రంప్ మెుదటి టర్మ్ లో భారతదేశానికి గ్లోబలైజ్డ్ సిస్టమ్ ఆఫ్ ప్రిఫరెన్సెస్(GSP) లబ్ధులను తీసేశారు. ఈ ప్రోగ్రామ్ ద్వారా భారత ఉత్పత్తులు అమెరికా మార్కెట్‌లో పన్ను మినహాయింపులతో సరఫరా చేయటానికి వీలుండేది. కానీ 2019లో ట్రంప్ వెల్లడించిన విధంగా.. భారత్ మార్కెట్ పరంగా సమానమైన ప్రాముఖ్యత ఇవ్వకపోవడం కారణంగా ఈ లబ్ధులను ముగింపు పెట్టారు. దీని వల్ల దాదాపు 56 బిలియన్ డాలర్ల భారత వస్తువులపై పన్నులు పెరిగాయి. అలాగే ట్రంప్ ప్రభుత్వం స్టీల్, అల్యూమినియం ఉత్పత్తులపై అధిక టారిఫ్‌లను విధించింది. ఇది భారత ఉత్పత్తుల దిగుమతిపై 25 శాతం వరకూ పన్నులను పెంచింది.
ఇక రెండో టర్మ్ కింద్ ట్రంప్ ఈ ఏడాది జనవరిలో అధికారంలోకి వచ్చిన తర్వాత మరోసారి భారతదేశాన్ని టార్గెట్ చేస్తూ సుంకాలు పెంచారు. రష్యన్ ఆయిల్ కొంటున్నామనే నెపం చూపుతూ ట్రంప్ 50 శాతం టారిఫ్‌ను భారత్ ఉత్పత్తులపై విధించాడు. దీని కారణంగా ప్రధానంగా మోదీ ప్రభుత్వం ఆర్ధిక సమస్యలను ఎదుర్కొంటోంది. ఈ 50% టారిఫ్‌లలో సగం వాణిజ్య సంబంధం కాని కేవలం రాజకీయ దురుద్దేశంతో తీసుకొచ్చినవిగా ఉన్నాయి. రష్యా నుంచి ఇంధనం, రక్షణ సామాగ్రి కొనుగోళ్లపై అమెరికా ఆగ్రహం ఇందులో వ్యక్తమౌతోంది.
►ALSO READ | అమెరికాను సరిగ్గా అర్థం చేసుకోండి.. భారత మార్కెట్లను తెరవండి: హోవార్డ్ లుట్నిక్
ట్రంప్ ప్రభుత్వ సమయాల్లో భారత్ అమెరికాతో వ్యాపారం భారీగా తగ్గింది. 2017లో భారత్ అగ్రక్రమిగా యుఎస్‌కు 22.9 బిలియన్ డాలర్ల వ్యాపార లోటు అందుకుంది. ప్రస్తుతం మోడీ ప్రభుత్వం ప్రభావంతో కంపెనీలు, చిన్న వ్యారులు నష్టపోకుండా కాపాడేందుకు ఆర్థిక సంస్కరణల పేరుతో జీఎస్టీ తగ్గించి దేశీయంగా వినియోగం పెంచాలని చూస్తోంది. ఈ విధంగా ట్రంప్ పాలనలో వాణిజ్య విధానాలు భారతీయ మార్కెట్లపై, వాణిజ్య, ఆర్థిక విభాగాలపై తీవ్ర ప్రభావం చూపాయి. ఆయన చర్యలు వాణిజ్య సంబంధాల ఇరు దేశాల మధ్య దెబ్బతీస్తూ ఉద్రిక్తతలను పెంచాయి.
