12 వరకూ ఆన్లైన్ రిజిస్ర్టేషన్లు
హైదరాబాద్, వెలుగు : ఎల్ఎల్ బీ, ఎల్ఎల్ఎం కోర్సుల్లో అడ్మిషన్ల కోసం టీఎస్ లాసెట్ అడ్మిషన్ కౌన్సెలింగ్ షెడ్యూల్ను అధికారులు రిలీజ్ చేశారు. సోమవారం ఉన్నత విద్యా మండలిలో కౌన్సిల్ చైర్మన్ లింబాద్రి అధ్యక్షతన లాసెట్ అడ్మిషన్ల కమిటీ సమావేశం జరిగింది. మంగళవారం నోటిఫికేషన్ రిలీజ్ చేయాలని నిర్ణయించారు.
నవంబర్ 2 నుంచి 12 వరకూ ఆన్లైన్ రిజిస్ర్టేషన్తో పాటు స్కాన్డ్ సర్టిఫికేట్లను అప్లోడ్ చేయాలని సూచించారు. 18, 19న వెబ్ ఆప్షన్ల ప్రక్రియ ఉంటుందని, 22న ఫస్ట్ ఫేజ్ సీట్ల అలాట్మెంట్ చేస్తామని అధికా రులు తెలిపారు. సీట్లు పొందిన అభ్యర్థులు 23 నుంచి 26 వరకూ కాలేజీల్లో రిపోర్టు చేయాలన్నారు.