హారిజెంటల్ విధానంలోనే పోస్టుల భర్తీ.. టెన్త్, ఇంటర్ పరీక్షల తర్వాతే మెయిన్స్
హైదరాబాద్, వెలుగు : గ్రూప్1 పోస్టుల భర్తీపై హైకోర్టు నుంచి క్లారిటీ రావడంతో మెయిన్స్ నిర్వహణపై టీఎస్పీఎస్సీ దృష్టి పెట్టింది. వారంపది రోజుల్లోనే పికప్ లిస్టు ఇచ్చేందుకు కసరత్తు చేస్తోంది. శుక్రవారం టీఎస్పీఎస్సీ ఆఫీస్లో కమిషన్ చైర్మన్ జనార్ధన్రెడ్డి నేతృత్వంలో కమిటీ సమావేశమైంది. గ్రూప్1, గ్రూప్ 2, గ్రూప్ 3, హాస్టల్ వార్డెన్స్, అగ్రికల్చర్, ఫారెస్ట్ బీట్ ఆఫీసర్స్ పోస్టుల భర్తీ, కోర్టు కేసులపై చర్చించారు. వర్టికల్ విధానంలో గ్రూప్1లో 503 పోస్టులను భర్తీకి టీఎస్పీఎస్సీ నోటిఫికేషన్ ఇవ్వగా, వీటిలో 225 పోస్టులు ఉమెన్స్కు కేటాయించారు. దీనిపై కొందరు హైకోర్టును ఆశ్రయించగా, హారిజెంటల్ విధానంలోనే భర్తీ చేయాలని మధ్యంతర ఉత్త ర్వులు ఇచ్చింది. దానిపై క్లారిటీ లేదని టీఎస్పీఎస్సీ ఫైనల్ తీర్పు కోసం వేచిచూస్తోంది.
ఈ క్రమంలో టీఎస్పీఎస్సీ వేసిన కౌంటర్ సమయంలోనూ హారిజెంటల్ విధానంలో గ్రూప్1 పోస్టులను భర్తీ చేయాలని మళ్లీ హైకోర్టు స్పష్టత ఇచ్చింది. దీంతో గ్రూప్1 పోస్టులను హారిజెంటల్ విధానంలోనే భర్తీ చేయాలని నిర్ణ యం కమిషన్ నిర్ణయం తీసుకుంది. గ్రూప్ 1 మెయిన్స్ఎగ్జామ్స్ టెన్త్, ఇంటర్ పరీక్షల తర్వాత నిర్వహిస్తే బెటర్ అనే భావనలో అధికారులు ఉన్నారు. గ్రూప్ 2 నోటిఫికేషన్ శుక్రవారం రిలీజ్ చేయాలని భావించినా, టెక్నికల్ ప్రాబ్లమ్తో వాయిదా వేసినట్టు తెలిసింది.
