![ఆర్టీసీ కార్మికుల బకాయిలు చెల్లించాలి](https://static.v6velugu.com/uploads/2024/04/tsrtc-staff-and-workers-federation-demands-immediate-payment-of-dues-of-rtc-workers_0ea5swU4Bk.jpg)
- టీఎస్ఆర్టీసీ స్టాఫ్అండ్ వర్కర్స్ఫెడరేషన్
హైదరాబాద్,వెలుగు : ఆర్టీసీ కార్మికుల బకాయిలను వెంటనే చెల్లించాలని టీఎస్ఆర్టీసీ స్టాఫ్అండ్వర్కర్స్ఫెడరేషన్డిమాండ్ చేసింది. ఈనెల 23న డిమాండ్స్డేగా పాటించాలని నిర్ణయించినట్టు ఫెడరేషన్ అధ్యక్షుడు వీరాంజనేయులు, ప్రధాన కార్యదర్శి వీఎస్ రావు పేర్కొన్నారు. ఆదివారం ఒక ప్రకటన విడుదల చేశారు. ఎరియర్స్ బాండ్ డబ్బులు వెంటనే చెల్లించాలని డిమాండ్ చేశారు.
ఆర్టీసీ కార్మికులకు ఆర్పీఎస్ 2013కు సంబంధించి ఇచ్చిన బాండ్ డబ్బులు రూ. 281కోట్లు విడుదల చేస్తున్నామని ఫిబ్రవరి 10న సీఎం రేవంత్రెడ్డి ప్రకటించారని, 2 నెలలు గడచినా డబ్బులు చెల్లించలేదని తెలిపారు. తమ డిమాండ్లను నెరవేర్చేందుకు డిమాండ్స్ డే నిర్వహిస్తున్నట్టు పేర్కొన్నారు. ఆ రోజు ఉద్యోగులంతా బ్యాడ్జెస్ ధరించి డ్యూటీలకు హాజరు కావాలని వారు పిలుపునిచ్చారు.