- మందుపాతర పేలి ఇద్దరు బస్తర్ ఫైటర్స్ జవాన్లకు తీవ్ర గాయాలు
భద్రాచలం, వెలుగు: చత్తీస్గఢ్లోని అడవుల్లో జరిగిన ఎన్కౌంటర్లో ఇద్దరు మావోయిస్టులు చనిపోయారు. బీజాపూర్ ఎస్పీ జితేంద్ర కుమార్ యాదవ్, దంతెవాడ ఎస్పీ గౌరవ్ రాయ్, సుక్మా ఎస్పీ కిరణ్ చౌహాన్ల నేతృత్వంలో డీఆర్జీ, బస్తర్ ఫైటర్స్, కోబ్రా బలగాలు ఆంధ్రప్రదేశ్, తెలంగాణ, చత్తీస్గఢ్ రాష్ట్రాల సరిహద్దుల్లో శనివారం ఉదయం నుంచి విస్తృతంగా గాలింపు చర్యలు చేపట్టాయి.
ఈ క్రమంలో బీజాపూర్ జిల్లా పిడియా అటవీ ప్రాంతంలో మావోయిస్టులకు, బలగాలకు మధ్య భీకరమైన కాల్పులు జరిగాయి. ఈ కాల్పుల్లో ముగ్గురు మావోయిస్టులు చనిపోయారు. మావోయిస్టులు అమర్చిన మందుపాతర పేలి బస్తర్ ఫైటర్స్ కు చెందిన ఇద్దరు జవాన్లకు తీవ్ర గాయాలయ్యాయి. వారికి ప్రథమ చికిత్స చేసిన అనంతరం హెలికాప్టర్లో రాయ్పూర్కు తరలించారు. పారిపోయిన మావోయిస్టుల కోసం ప్రత్యేక బలగాలను అడవుల్లోకి పంపించి మూడు జిల్లాల ఎస్పీల ఆధ్వర్యంలో గాలిస్తున్నారు. డామినేషన్ కోసం పంపిన బలగాలతో పాటు అడవుల్లో ఉన్న వారిని తరలించేందుకు హెలికాప్టర్లను సిద్ధం చేశారు.
