శాయంపేట, వెలుగు: హనుమకొండ జిల్లాలోని ఓ కేజీబీవీలో ఇద్దరు స్టూడెంట్లు నెయిల్ పాలిష్ తాగి ఆత్మహత్యకు యత్నించారు. టీచర్లు గమనించి హాస్పిటల్కు తరలించారు. వివరాల్లోకి వెళ్తే.. హనుమకొండకు చెందిన కల్పన శాయంపేట మండలం తహరాపూర్శివారులోని కస్తూర్భాగాంధీ బాలికల విద్యాలయంలో టెన్త్చదువుతోంది. మంగళవారం రాత్రి తన క్లాస్మెట్పూర్ణతో కలిసి స్కూల్అటెండర్ ఫోన్తో ఇంటికి కాల్చేసింది.
తన ఆరోగ్యం బాగోలేదని, వచ్చి ఇంటికి తీసుకెళ్లమని తల్లికి చెప్పింది. వారిని గమనించిన తోటి స్టూడెంట్లు కల్పన, పూర్ణను దొంగ దొంగ ఎగతాళి చేశారు. తీవ్ర మనస్తాపం చెందిన బాలికలు బుధవారం సాయంత్రం నెయిల్పాలిష్ తాగారు. గుర్తించిన టీచర్లు వెంటనే వారిని పరకాలలోని గవర్నమెంట్హాస్పిటల్కు తరలించారు. అక్కడ వైద్య సిబ్బంది అందుబాటులో లేకపోవడంతో వరంగల్ ఎంజీఎంకు తరలించి చికిత్స అందించారు.
ALSO READ:నైగర్లో సైనిక తిరుగుబాటు.. అధ్యక్షుడి అరెస్టు, రాజ్యాంగం రద్దు
గురువారం కుటుంబ సభ్యులను పిలిపించి ఇద్దరు బాలికలను ఇంటికి పంపించారు. ఈ విషయమై కేజీబీవీ స్పెషల్ ఆఫీసర్ మాధవిని వివరణ కోరగా.. కల్పన, పూర్ణ ఇంటికి వెళ్తామని అడగగా, సర్ది చెప్పామని తెలిపారు. పంపించడం లేదనే బాధతో నెయిల్పాలిష్తాగారన్నారు. చికిత్స అందించి, ఇంటికి పంపామని స్పష్టం చేశారు. బాలికలు ఇద్దరూ కోలుకున్నారని వెల్లడించారు.
