ఇంతకాలం తన అల్లరితో నవ్వులు పూయించిన అల్లరి నరేష్ ప్రస్తుతం వైవిధ్యమైన సినిమాలు ఎంచుకుంటున్నాడు. ఇప్పటివరకు నటించిన నాంది, ఇట్లు మారేడుమిల్లి ప్రజానీకం, మహర్షి లాంటి సినిమాల్లో తన నటనతో ఆకట్టుకున్నాడు. ఇప్పుడు అలాంటి సినిమా ‘ఉగ్రం’తో ప్రేక్షకులు ముందుకు రాబోతున్నాడు. ఆ సినిమాకు సంబంధించిన టీజర్ ని ఇవాళ నాగచైతన్య విడుదల చేశాడు. ఈ సినిమాలో యాంగ్రీ పోలీస్ పాత్రలో, యాక్షన్ అవతారంలో నరేష్ కనిపించబోతున్నాడు. ఫ్యామిలీ, రివేంజ్, పోలీస్ ఆఫీసర్ డ్రామా నేపథ్యంలో టీజర్ ఉంది. యాక్షన్, ఎమోషన్స్ ప్రధానంగా కట్ చేసిన టీజర్ ఆకట్టుకుంటోంది. విజయ్ కనకమేడల దర్శకత్వంలో తెరకెక్కుతున్న ఈ సినిమాని సాహు గరపాటి, హరీష్ పెద్ది నిర్మిస్తున్నారు. శ్రీచరణ్ పాకాల సంగీతం అందిస్తున్నాడు. మిర్నా మీనన్‌ కథానాయిక.
