పవన్ కళ్యాణ్ హీరోగా హరీష్ శంకర్ తెరకెక్కిస్తున్న చిత్రం ‘ఉస్తాద్ భగత్ సింగ్’. మైత్రి మూవీ మేకర్స్ సంస్థ నిర్మిస్తోంది. తాజాగా ఈ మూవీ నుంచి ఓ సర్‌‌ప్రైజింగ్ అప్‌‌డేట్ ఇచ్చారు మేకర్స్. పవన్ కళ్యాణ్ డబ్బింగ్ చెబుతున్న ఫొటోలను సోషల్ మీడియాలో షేర్ చేస్తూ.. ‘ఎక్స్‌‌పెక్ట్ ది అన్‌ ఎక్స్‌‌పెక్టెడ్’ అంటూ మార్చి 19 డేట్‌‌తో ఓ పోస్ట్ చేశారు. ఈ పోస్ట్‌‌ను బట్టి మూవీ టీజర్‌‌ను విడుదల చేయబోతున్నట్టుగా అర్థమవుతోంది.
ఓవైపు ఏపీ ఎన్నికలకు సంబందించిన నోటిఫికేషన్‌ రావడంతో ఇప్పుడప్పుడే పవన్ కళ్యాణ్ సినిమాల నుంచి ఎలాంటి అప్‌‌డేట్స్ ఉండవనుకున్నారు అభిమానులు. కానీ అందరినీ సర్‌‌ప్రైజ్ చేస్తూ వీడియో గ్లింప్స్ వస్తుండడంతో ఫ్యాన్స్ ఖుషీ అవుతున్నారు. మరోవైపు ‘ఓజీ’ గ్లింప్స్ కూడా రెడీ అవుతోంది. సోషల్ మీడియాలో ఓ అభిమాని అడిగిన ప్రశ్నకు.. విలన్‌‌గా నటిస్తున్న ఇమ్రాన్‌ హష్మి బదులిస్తూ, త్వరలోనే గ్లింప్స్ విడుదల కానుందని చెప్పాడు.
