ఉత్తరప్రదేశ్‌లోని పలు ప్రాంతాల్లో భారీ వర్షాలు కురుస్తున్నాయి. రాష్ట్రవ్యాప్తంగా మారుతున్న వాతావరణం మధ్య, లక్నో, దాని పొరుగు జిల్లాలకు వాతావరణ శాఖ రెడ్ అలర్ట్ జారీ చేసింది. అంతకుముందు, భారత వాతావరణ విభాగం (IMD) అనేక నగరాలు, జిల్లాలకు హై అలర్ట్ జారీ చేసింది. ఉరుములతో కూడిన భారీ వర్షాలు కురిసే అవకాశం ఉందని అంచనా వేసింది.
ఆగస్టు 1, 2 తేదీల్లో వాతావరణం ప్రతికూలంగా ఉంటుందని IMD ఆగస్టు 1న పేర్కొంది. దీంతో రాష్ట్రంలో ఉరుములు, వడగళ్ల వానలతో కూడిన భారీ వర్షాలు కురిసే అవకాశాలు ఉన్నట్టు తెలుస్తోంది.
