మొక్కజొన్న పొత్తుల్ని కాల్చి లేదా ఉడికించి తింటుంటారు. కానీ, వాటితో బోలెడన్ని వెరైటీలు చేయొచ్చు. ఒకటేమో బటర్ బాత్ చేసిన కార్న్, ఇంకోటేమో ఎర్రని తందూరీ కార్న్.. అంతెందుకు కార్న్తో ఉప్మా, బ్రెడ్, కార్న్ కలిపి మసాలా టోస్ట్ కూడా చేసేయొచ్చు.
కార్న్ ఉప్మా
కావాల్సినవి :
మొక్కజొన్న కంకులు – రెండు
నూనె – రెండు టేబుల్ స్పూన్లు
ఉల్లిగడ్డ, టొమాటో – ఒక్కోటి
ఉప్పు – సరిపడా
కొత్తిమీర తరుగు – కొంచెం
పచ్చిమిర్చి – నాలుగు
పోపు దినుసులు – ఒక టీస్పూన్
పసుపు – పావు టీస్పూన్
తయారీ :మొక్కజొన్న కంకుల నుంచి గింజలు వలిచి, వాటిని మిక్సీజార్లో వేసి కచ్చాపచ్చాగా చేయాలి. తరువాత పాన్లో నూనె వేడి చేసి, పోపు దినుసులు వేయాలి. తర్వాత ఉల్లిగడ్డ, టొమాటో, పచ్చిమిర్చి తరుగు, కరివేపాకు వేగించాలి. అందులో పసుపు కలపాలి. ఆ తర్వాత కార్న్ పేస్ట్, ఉప్పు కూడా కలపాలి. ఫైనల్గా కొత్తిమీర చల్లుకుంటే వేడి వేడి కార్న్ ఉప్మా తినడానికి రెడీ.
