కరోనా తర్వాత డిజిటల్ పేమెంట్స్ ను వినియోగించే వారి సంఖ్య మరింత పెరిగింది. ఇప్పుడు దాదాపు అన్ని ప్రాంతాల్లోని వ్యాపారులు క్యూ ఆర్ కోడ్ తో చెల్లింపులను అంగీకరిస్తున్నారు. ఇప్పుడు సోషల్ మీడియాలో వైరల్ అవుతోన్న ఓ వీడియో సైతం దానికి సంబంధించిందే. ఈ వీడియోలో ఓ మహిళ రోడ్డు పక్క న కూరగాయలు అమ్ముకుంటూ కనిపించింది. ఓ వ్యక్తి ఆమె దగ్గర కొనుగోళ్లు జరిపిన తర్వాత ఆమె.. అతనికి చెల్లింపు కోసం వెయింగ్ బౌల్ కింద ఉన్న క్యూ ఆర్ కోడ్ ను చూపించింది.
ALSO READ:ఆదిత్య ఎల్1 ప్రయోగానికి మొదలైన కౌంట్ డౌన్..
@maharashtra.farmer షేర్ చేసిన ఈ ఇన్‌స్టాగ్రామ్ రీల్‌లో, ఒక మహిళ తన కస్టమర్ కోసం వేరుశెనగలను ప్యాక్ చేయడం ఈ వీడియోలో చూడవచ్చు. కెమెరా వెనుక ఉన్న వ్యక్తి ఆన్‌లైన్ చెల్లింపును అభ్యర్థించినట్లుగానే, ఆ మహిళ వెయింగ్ స్కేల్‌పై ఉన్న గిన్నెను తిప్పి దాని వెనకునన QR కోడ్ ను చూపించింది. ఈ ఘటన అందర్నీ ఆశ్చర్యపోయేలా చేస్తోంది.
సోషల్ మీడియాలో పోస్ట్ అయిన కొద్ది సేపటికే ఈ వీడియో వైరల్ గా మారింది. దాంతో పాటు నెటిజన్లు పలు రకాలుగా స్పందిస్తూ కామెంట్లు పెట్టారు. "ఆంటీ రాక్, కస్టమర్ షాక్" అని ఓ యూజర్ కామెంట్ చేశారు.
