వనపర్తి, వెలుగు: వంద రోజుల ఆర్టీసీ పండుగ సందర్భంగా వనపర్తి డిపోలో గ్రాండ్ ఫెస్టివల్ ఛాలెంజ్ స్కీంను ఆదివారం డిపో మేనేజర్ వేణుగోపాల్ ప్రారంభించారు. ఈ సందర్భంగా డీఎం మాట్లాడుతూ దసరా, దీపావళి, క్రిస్మస్, సంక్రాంతి పండుగల సందర్భంగా ప్రయాణికులను గమ్య స్థానాలకు చేర్చుతూ, సంస్థను లాభాల బాట పట్టించాలన్నారు.
గత ఏడాది రాఖీ పండుగ ఛాలెంజ్ సందర్భంగా జోనల్ లో రెండో స్థానం వచ్చిందని, ఈ ఏడాది కూడా లక్ష్యాన్ని సాధించాలని కోరారు. అసిస్టెంట్ మేనేజర్ దేవేందర్ గౌడ్, టీఐ ఎం కృష్ణయ్య, సాయిరెడ్డి, కేఎస్ శెట్టి, బీఆర్ శేఖరయ్య, రాములు, జేవీ స్వామి, చలపతి రెడ్డి పాల్గొన్నారు.
