రాజస్థాన్ లో వీధికుక్కను కారుకు కట్టి ఊరంతా తిప్పిన అమానవీయ ఘటన జరిగింది. జోధ్ పూర్ కు చెందిన డాక్టర్ రజనీశ్ గల్వా ఇంటి దగ్గర స్ట్రీట్ డాగ్ ఉంది. దానిని ఊరిబయట వదిలిపెట్టాలనుకున్నాడు డాక్టర్. దీంతో కుక్క మూతిని ఓ తాడుతో కట్టి.. తన కారుతో ఊరంతా తిప్పాడు. కారుతో పాటు పరిగెత్తలేకపోతున్న శునకాన్ని గమనించిన బైకర్.. వెంటనే కారుని ఆపాడు. కుక్క మూతికి ఉన్న తాడు విడిపించారు.
The person who did this he is a Dr. Rajneesh Gwala and dog legs have multiple fracture and this incident is of Shastri Nagar Jodhpur please spread this vidro so that @CP_Jodhpur should take action against him and cancel his licence @WHO @TheJohnAbraham @Manekagandhibjp pic.twitter.com/leNVxklx1N
— Dog Home Foundation (@DHFJodhpur) September 18, 2022
తర్వాత డాగ్ హోం ఫౌండేషన్ సభ్యులకు సమాచారం అందించాడు. వారు శునకాన్ని హోంకు తరలించారు. కాళ్లకు పలుచోట్ల ఫ్రాక్చర్ అయినట్టు డాగ్ హోమ్ ఫౌండేషన్ ట్విట్టర్ లో వెల్లడించింది. ఈ ఘటనపై డాగ్ హోం ఫౌండేషన్ సభ్యులు పోలీసులకు ఫిర్యాదు చేశారు. దీంతో పోలీసులు డాక్టర్ పై జంతుహింస చట్టం కింద కేసు నమోదు చేశారు. డాక్టర్ లైసెన్స్ ను రద్దు చేయాలని కోరుతూ ప్రపంచ ఆరోగ్య సంస్థను, మేనకాగాంధీని కోరారు.
