ఇథనాల్ పెట్రోల్ వింత కష్టాలు: తీపి వాసనకు చీమలు, తేనెటీగలు క్యూ.. బైక్ ఓనర్స్ హడల్

ఇథనాల్ పెట్రోల్ వింత కష్టాలు: తీపి వాసనకు చీమలు, తేనెటీగలు క్యూ.. బైక్ ఓనర్స్ హడల్

పెట్రోల్ లో ఇథనాల్ మిక్సింగ్ ఏంటో గానీ వాహనదారులకు మాత్రం చుక్కలు కనిపిస్తున్నాయి. లక్షలు పెట్టి కొన్న బైక్స్, కార్స్ ఇథనాల్ బ్లెండెడ్ పెట్రోల్ పోసిన తర్వాత రోడ్లపై మధ్యలోనే నిలిచిపోవటంతో అష్టకష్టాలు పడుతున్నారు. మరోపక్క వాహనాలను పరిశీలించిన మెకానిక్స్ అసలు ప్లాబ్లమ్ ఇథనాల్ పెట్రోల్ అని కన్ఫమ్ చేస్తున్నారు. ఇథనాల్ బ్లెండింగ్ ఆసరాగా మార్చుకుని కొన్ని పెట్రోల్ బంకుల్లో జరుగుతున్న కల్తీ మోసాలతో వాహనాలు దెబ్బతింటున్న ఘటనలు సర్వసాధారణంగా మారిపోయాయి.  

ఇదే క్రమంలో ఒక బైకర్ ఈ85 పెట్రోల్ పట్టించుకునేందుకు బంకుకు వెళ్లగా ట్యాంక్ ఓపెన్ చేసి ఇంధనం నింపుతుంటే అక్కడికి భారీగా తేనెటీగలు వచ్చిన వీడియో ఇప్పుడు సోషల్ మీడియాలో వైరల్ గా మారింది. తేనెటీగలు పెట్రోల్ ట్యాంక్ మూత దగ్గర వాలి ఇథనాల్ కలిపిన పెట్రోల్ లోని తీపి పదార్థాన్ని ఆస్వాధిస్తున్నట్లు కనిపిస్తోంది. దీనిని చూసిన నెటిజన్లు ఒక్కసారిగా నోటిపై వేలు వేసుకుంటున్నారు. 

 

స్టోరీ ఇక్కడితో అయిపోలేదు.. ఒక కారు ఓనర్ ఇథనాల్ బ్లెండెడ్ పెట్రోల్ పట్టించి దానిని ఇంటి దగ్గర పార్క్ చేయగా పెట్రోల్ ట్యాంక్ చుట్టూ నల్లటి చలిచీమలు వచ్చి చేరిన వీడియో హల్ చెల్ చేస్తోంది. వాస్తవానికి వర్షాకాలం, చలికాలం లాంటి సమయాల్లో మనం ఇళ్లలోని బెల్లం, చక్కెర లాంటి తీపి పదార్థాలకు ఈ చలిచీమలు రావటం చూస్తుంటాం. ఇలా అయితే ఇథనాల్ కలిపిన పెట్రోల్ వాడుతున్న వాహనాలు త్వరలోనే షెడ్డుకు వెళతాయ్ అంటున్నారు ఓనర్స్. వందల రూపాయలు ఖర్చు చేసి పెట్రోల్ కొంటుంటే అది వాహనాలను పాడుచేయటం చాలా మందిని కంటతడి పెట్టిస్తోంది. మోడీ సర్కార్ రాకమునుపు పెట్రోల్, డీజిల్ ఫ్రూర్ క్వాలిటీ తక్కువ రేటుకే దొరికేవని కానీ ఇప్పుడు ఏవేవో కలిపి వాటిని అమ్మటంతో తమ వాహనాలు పాడైపోతున్నాయని చాలా మంది వాపోతున్నారు.