బెల్లంపల్లి రూరల్, వెలుగు : వైన్ షాపు ఏర్పాటు చేయొద్దంటూ గ్రామస్తులు ఆందోళనకు దిగారు. కన్నెపల్లి మండల కేంద్రంలో కొత్తగా ఓ వైన్ షాపు ఏర్పాటు చేస్తున్నారు. అయితే, ఇక్కడ వైన్ షాపు వద్దంటే వద్దని ఎస్సీ కాలనీ మహిళలు, గ్రామస్తులు నిరసనకు దిగారు. ఈ దారి గుండా నిత్యం మహిళలు, స్టూడెంట్స్ వెళ్తారని.. తప్పతాగి యువతులను ఎవరైనా అల్లరి చేస్తే బాధ్యులు ఎవరని ప్రశ్నించారు.
అంతేకాకుండా పక్కనే రైతు వేదిక ఉందని, ఎప్పటికప్పుడు రైతులు వచ్చి వారి సమస్యలను అధికారులకు చెబుతారని, వైన్షాపు పెట్టడం వల్ల ఇక్కడ ఇబ్బందిగా మారుతుందని అన్నారు. సంబంధిత అధికారులు స్పందించి వేరే చోటికి మార్చాలని కోరారు. ఈ కార్యక్రమంలో మహిళలు, యువకులు, గ్రామస్తులు పాల్గొన్నారు.
