ఉక్రెయిన్ అధ్యక్షుడు వ్లాదిమిర్ జెలెన్ స్కీ రోడ్డు ప్రమాదంలో గాయపడ్డారు. రాజధాని కీవ్ నగరంలో ప్రమాద జరిగింది. జెలెన్ స్కీ ప్రయాణిస్తున్న కారును, పక్కనున్న కాన్వాయ్ ను ఢీ కొట్టి మరో కారు ఢీకొంది. సమాచారం అందుకున్న వెంటనే అంబులెన్స్ తో అధికారులు అక్కడికి చేరుకున్నారు. జెలెన్ స్కీని, ఆయన కారు డ్రైవర్ ను హాస్పిటల్ కు తరలించారు. అయితే ప్రమాదంలో జెలెన్ స్కీకి, డ్రైవర్ కు తీవ్రగాయాలేవీ కాలేదని ఉక్రెయిన్ వర్గాలు వెల్లడించాయి.
తీవ్రంగా గాయపడనప్పటికీ.. జెలెన్ స్కీ ఆరోగ్యంపై అధ్యక్ష కార్యాలయం పూర్తిస్థాయి హెల్త్ బులిటెన్ విడుదల చేయాల్సి ఉంది. ఇది యాక్సిడెంటేనా? లేదంటే కుట్ర కోణం ఉందా అనేది తేలాల్సి ఉందని ఉక్రెయిన్ అధికార ప్రతినిధి సెర్గీ నికిఫోరోవ్ తెలిపారు. ఖార్కీవ్ ప్రాంతంలో రష్యా బలగాలు వెనక్కి మళ్లాయని వీడియోను జెలెన్ స్కీ రిలీజ్ చేశారు. ఆ వీడియో పోస్టు చేసిన కాసేపటికే ఈ ప్రమాదం జరిగింది.
