ఎండ్రకాయలు తెలుసు కదా.. అవి పక్కకు కూడా నడుస్తయి. ఇదిగో అట్లాంటిదే ఈ యుద్ధ ట్యాంకర్ కూడా. ముందుకు వెళ్లడంతో పాటు పక్కకూ దూసుకెళుతుంది. దీని పేరు స్కారబీ. బీటిల్ అనీ పిలుస్తున్నారు. వోల్వో కంపెనీకే చెందిన ఆర్కూస్ అనే కంపెనీ ఈ మిలటరీ యుద్ధ ట్యాంకును తయారు చేసింది. అతి త్వరలోనే ఫ్రాన్స్ ఆర్మీలో అది చేరబోతోంది. దీనికి రెండు ఇంజన్లుంటాయి. అవి కూడా ముందుండవు. వెనక వైపుంటాయి. ఒకటి ఎలక్ట్రిక్ ఇంజన్ కాగా, ఇంకోటి డీజిల్ ఇంజన్. 6.6 టన్నుల బరువున్నా గంటకు 120 కిలోమీటర్ల వేగంతో రివ్వున దూసుకెళ్లిపోగలదీ స్కారబీ.
నిజానికి యుద్ధ ట్యాంకులు నెమ్మదిగా వెళతాయి. కానీ, ఈ యుద్ధ ట్యాంకు కోసం స్పీడ్పైనా దృష్టి పెట్టి పనిచేశామని ఆర్కూస్ సీఈవో ఇమ్మాన్యుయెల్ లవాచెర్ చెప్పారు. ఆత్మరక్షణ కోసం పక్కకు పరిగెత్తడంతో పాటు, స్పీడ్కూ ప్రాధాన్యం ఇచ్చామని తెలిపారు. 6 అడుగుల ఎత్తుండే స్కారబీ, పొడవు, వెడల్పు 15 అడుగులుంటుంది. ప్రస్తుతం ఫ్రాన్స్కున్న తేలికపాటి యుద్ధ ట్యాంకుల స్థానంలో వీటిని తీసుకొచ్చేందుకు ప్రయత్నిస్తోంది. 2025 నాటికి ఈ ఎండ్రకాయ ట్యాంకు యుద్ధ రంగంలోకి దిగుతుంది. పీతల్లా పక్కకు నడవడం వల్ల మందుపాతరలను ఈజీగా తప్పించుకోవచ్చని కంపెనీ చెబుతోంది.