వర్దన్నపేట, వెలుగు: వరంగల్ జిల్లా వర్ధన్నపేట మండలంలోని ఉప్పరపల్లి క్రాస్ రోడ్ వద్ద ఉన్న ఐనవోలు మహాత్మా జ్యోతిబా ఫూలే హాస్టల్ నుంచి శుక్రవారం తెల్లవారుజామున ఏడో తరగతి చదువుతున్న అన్విత్ అదృశ్యమయ్యాడు. వివరాలిలా ఉన్నాయి..
హన్మకొండ జిల్లా హసన్పర్తి మండలం వంగపహాడ్ గ్రామానికి చెందిన అన్విత్, ఐనవోలు మండలం తిమ్మాపూర్ కు చెందిన విగ్నేశ్ స్కూల్ నుంచి బయటకు వెళ్లారు. విగ్నేశ్ ఇంటికి వెళ్లగా, అతడిని హాస్టల్కు తీసుకొచ్చారు.
అన్విత్ మాత్రం హాస్టల్ కు తిరిగి రాకపోవడంతో పేరెంట్స్కు సమాచారం అందించారు. బంధువులు, ఇతర చోట్ల వెతికినా ఆచూకీ లభించకపోవడంతో స్కూల్ ప్రిన్సిపాల్ పోలీసులకు సమాచారం ఇచ్చారు. అన్విత్ ఆచూకీ తెలుసుకునేందుకు సీసీ పుటేజీని పరిశీలిస్తున్నామని వర్దన్నపేట ఎస్సై సాయిబాబు తెలిపారు.
