హనుమకొండ, వెలుగు: కాల్షియంతో గట్టిపడిన గుండె నాలాలను అత్యాధునిక ప్రొసీజర్ తో తెరిచి 84 ఏండ్ల వృద్ధుడికి కొత్త జీవితం అందించినట్లు వరంగల్ మెడికవర్ హాస్పిటల్ కన్సల్టెంట్ ఇంటర్వెన్షనల్ కార్డియాలజిస్ట్, లీడ్ ఆపరేటర్ డాక్టర్ సంతోష్ మొడానీ మోహన్ లాల్ తెలిపారు. వరంగల్ మెడికవర్ హాస్పిటల్ లో శుక్రవారం ఏర్పాటు చేసిన ప్రెస్మీట్లో ఆయన మాట్లాడారు.
నెల్లుట్ల రాంమోహన్ రావు అనే వృద్ధుడికి 2015లోనే బైపాస్ సర్జరీ అయ్యిందని, ఆ తర్వాత గుండె కాల్షియంతో గట్టిపడిందన్నారు. దీంతో ఆధునిక వాస్కులర్ మోడిఫైయింగ్ టెక్నిక్ తో సర్జరీ చేసి వృద్ధుడి ప్రాణాలు కాపాడినట్లు తెలిపారు. కార్యక్రమంలో మెడికవర్ హాస్పిటల్స్ వరంగల్ సెంటర్ హెడ్ నమ్రత, ఏజీఎం హరినాథ్ తదితరులు పాల్గొన్నారు.
