కొన్నిసార్లు ఏం చేద్దామన్నా మనసొప్పదు. జీవితంలో ఏదో కోల్పోయినట్టు అనిపిస్తుంటుంది. మనసంతా ఆలోచనలతో నిండిపోతుంది. మరి ఇలాంటి పరిస్థితుల నుంచి బయటపడాలంటే...
- మనసు బాగాలేనప్పుడు మనసుకి నచ్చిన వాళ్లతో కాసేపు కబుర్లు చెప్పాలి. చిన్ననాటి ఫ్రెండ్స్తో మాట్లాడితే మైండ్ రిలాక్స్అవుతుంది
- బాధలో ఉన్నప్పుడు హ్యాపీ మూమెంట్స్ని గుర్తుచేసుకోవాలి. దానివల్ల మనసులో కొత్త ఉత్సాహం నిండుతుంది. ఒత్తిడి నుంచి తేలిగ్గా బయటపడొచ్చు.
- ఏదన్నా యోగాసనంలో కాసేపు ఉన్నా మైండ్ రిఫ్రెష్ అవుతుంది. నచ్చిన పాటలు విన్నా, అలిసిపోయే వరకు డాన్స్ చేసినా మనసు కాస్త కుదుటపడుతుంది.
- ఒత్తిడిలో ఉన్నప్పుడు కాసేపు పచ్చని చెట్లు, పక్షులు, జంతువుల మధ్య గడపాలి. అలాగే మొక్కలు నాటినా, గార్డెనింగ్ చేసినా రిజల్ట్ బాగుంటుంది.
- పిల్లలతో ఆడి, పాడినా ఒత్తిడి మాయమవుతుంది. అందుకే మనసు బాగాలేనప్పుడు వాళ్లతో ఒక అరగంట టైం స్పెండ్ చేయాలి. వీటన్నింటితో పాటు చిరాకుగా అనిపించినప్పుడు సోషల్ మీడియాకి దూరంగా ఉండాలి.
- మనసులో ఉన్న ఆలోచనలు పేపర్పై పెట్టినా ఒత్తిడి నుంచి రిలీఫ్ దొరుకుతుంది. ఇష్టమైన పుస్తకాలు కూడా చదవొచ్చు.
