వాట్సాప్ తన వినియోగదారుల అనుభవాన్ని మెరుగుపర్చేందుకు చాట్‌లు, కాల్స్ ,ఛానెల్‌ల కోసం ఎప్పటికప్పుడు కొత్త టూల్స్‌ను ,ఫీచర్లను ప్రవేశపెడుతోంది. చాట్‌లు, కాల్స్, ఛానల్ అప్డేట్స్ లలో వినియోగదారు కొత్త అనుభవాన్ని అందించే లక్ష్యంతో అనేక రకాల కొత్త ఫీచర్లు ,టూల్స్, అప్‌గ్రేడ్‌లను విడుదల చేస్తూనే ఉంది. యానిమేటెడ్ ఎమోజీలు, కొత్త ఫిల్టర్లు, ఎఫెక్ట్‌ లతో కాల్స్ ఎలాంటి ఆటంకం లేకుండా అందిస్తోంది. వాట్సాప్ అందిస్తున్న ఫీచర్లు, అప్ గ్రేడ్స్ ఏంటో చూద్దాం.
చాట్‌ల కోసం కొత్త టూల్స్:
యానిమేటెడ్ ఎమోజీలు,స్టిక్కర్లు: మీ కాల్స్ మరింత ఆకర్షణీయంగా చేసేందుకు యానిమేటెడ్ ఎమోజీలు ,స్టిక్కర్లను క్రియేట్ చేసుకోవచ్చు. మీకు ఇష్టమైన వీడియోలను యానిమేటెడ్ స్టిక్కర్‌లుగా మార్చుకోవచ్చు.
అవతార్ సోషల్ స్టిక్కర్లు: వన్-టు-వన్ చాట్‌లలో మీ అవతార్లను ఉపయోగించి స్టిక్కర్లను పంపవచ్చు.
ఈజీ గ్రూప్ క్రియేషన్: ఇకపై గ్రూప్‌ను క్రియేట్ చేయాలంటే వెంటనే సభ్యులను జోడించాల్సిన అవసరం లేదు. గ్రూప్ పేరుతో ప్రారంభించి తర్వాత నేరుగా సభ్యులను జోడించవచ్చు లేదా లింక్ ద్వారా ఆహ్వానించవచ్చు.
మీడియాకు క్యాప్షన్, రియాక్ట్ ,రిప్లై: మీరు ఒకేసారి చాలా ఫోటోలు ,వీడియోలను పంపినప్పుడు వాటికి ఒకే క్యాప్షన్ జోడించవచ్చు. స్వీకరించేవారు మొత్తం సేకరణకు లేదా వ్యక్తిగత అంశాలకు రియాక్ట్ చేయవచ్చు లేదా రిప్లై ఇవ్వవచ్చు.
కస్టమ్ చాట్ లిస్ట్: మీ చాట్‌లను కేటగిరీల వారీగా "కస్టమ్ లిస్ట్" అనే ఫీచర్ ద్వారా సర్దుబాటు చేసుకోవచ్చు. ఇది స్నేహితులు, బంధువులు, కుటుంబ సభ్యులతో సులభంగా కనెక్ట్ అవ్వడానికి సహాయపడుతుంది.
చాట్ థీమ్‌లు: మీ వాట్సాప్ లుక్‌ను మార్చడానికి చాట్ థీమ్‌లు. ఈ థీమ్ ల ద్వారా మీరు రంగులను, డార్క్/లైట్ మోడ్‌ను ,ఇన్-చాట్ వాల్‌పేపర్‌లను మార్చుకోవచ్చు.
డిలీట్ చేసిన చాట్‌లను రికవరీ: అనుకోకుండా డిలీట్ చేసిన చాట్‌లను గూగుల్ డ్రైవ్/ఐక్లౌడ్ బ్యాకప్ నుంచి రికవర్ చేసుకోవచ్చు.
వాయిస్ మెసేజ్ ట్రాన్‌స్క్రిప్ట్స్: వాయిస్ మెసేజ్‌లను టెక్స్ట్‌గా మార్చే ఫీచర్.
మెసేజ్ ఎడిటింగ్: పంపిన మెసేజ్‌లను 15 నిమిషాలలోపు ఎడిట్ చేసే అవకాశం.
కాల్స్ కోసం కొత్త టూల్స్:
గ్రూప్ వాయిస్ చాట్: గ్రూప్ కాల్ చేయకుండానే గ్రూప్‌లోని సభ్యులెవరికీ రింగ్ వెళ్లకుండానే లైవ్ సంభాషణలను నిర్వహించడానికి వాయిస్ చాట్ ఫీచర్.
కాల్ లింక్ షార్ట్‌కట్:గ్రూప్ కాల్స్‌లో చేరడానికి కాల్ లింక్‌లను క్రియేట్ చేసి సభ్యులకు షేర్ చేసుకోవచ్చు.
వీడియో కాల్స్: కొత్త ఫిల్టర్లు ,ఎఫెక్ట్‌లతో వీడియో కాల్స్ 32 మంది వరకు సపోర్ట్ చేస్తాయి.మెరుగైన నాయిస్ క్యాన్సిలేషన్ కూడా ఉంటుంది.
వీడియో కాల్స్‌లో జూమింగ్: ఐఫోన్ యూజర్లు వీడియో కాల్స్‌లో స్క్రీన్‌ను జూమ్ చేయవచ్చు.
యాక్టివ్ 1:1 కాల్‌లకు ఎక్కువ మందిని జోడించడం: చాట్ థ్రెడ్ నుంచి యాక్టివ్ 1:1 కాల్‌కు ఎక్కువ మంది పార్టిసిపెంట్‌లను జోడించవచ్చు.
ఛానెల్‌ల కోసం టూల్స్:
పర్సనల్ చాట్స్ నుంచి మీడియా ఫార్వార్డింగ్: ఛానెల్ ఓనర్లు తమ వ్యక్తిగత చాట్ నుంచి నేరుగా మెసేజ్‌లు, ఫోటోలు, వీడియోలు, జిఫ్‌లను ఛానెల్‌లకు ఫార్వార్డ్ చేసేందుకు ఫీచర్ ఉపయోగపడుతుంది.
ఛానెల్స్‌లో ఫోటో పోల్స్: ఛానెల్‌లలో పోల్స్‌కు ఫోటోలను జోడించవచ్చు.
ఛానెల్ అప్డేట్లను స్టార్ చేయడం: మీకు ఇష్టమైన ఛానెల్ అప్డేట్లను స్టార్ చేయడం ద్వారా ఎప్పుడైనా తిరిగి చూడవచ్చు.
QR కోడ్ ఫర్ ఛానెల్స్: ఛానెల్ అడ్మిన్‌లు తమ ఛానెల్‌కు డైరెక్ట్‌గా లింక్ చేసే ప్రత్యేక QR కోడ్‌ను షేర్ చేయవచ్చు. తద్వారా తమ ఆడియన్స్‌ను పెంచుకోవడం సులభం అవుతుంది.
వాయిస్ అప్‌డేట్లు: ఛానెల్ క్రియేటర్‌లు వాయిస్ అప్డేట్లను కూడా షేర్ చేయవచ్చు.
ఇతర ముఖ్యమైన ఫీచర్లు:
ఈవెంట్స్ క్రియేషన్: వన్-టు-వన్ చాట్‌లలో కూడా ఈవెంట్‌లను క్రియేట్ చేయవచ్చు, RSVP చేయవచ్చు, ప్లస్ వన్ ఆహ్వానించవచ్చు మరియు ఈవెంట్ ముగింపు సమయాన్ని సెట్ చేయవచ్చు. ఈవెంట్‌లను చాట్ లో పిన్ చేయవచ్చు.
మెటా AI ఇంటిగ్రేషన్: మెటా AI ఇప్పుడు చాట్‌లలో ప్రశ్నలకు సమాధానం ఇవ్వడం, స్టిక్కర్లను జనరేట్ చేయడం ,ఇమేజ్‌లను క్రియేట్ చేయడం వంటివి చేయగలదు.
రెండు-దశల వెరిఫికేషన్ (Two-Step Verification): మీ ఖాతా భద్రతను పెంచడానికి ఇది ఒక ముఖ్యమైన ఫీచర్.
అన్ నౌన్ కాల్స్ మ్యూట్ చేయడం (Silence Unknown Callers): తెలియని నంబర్ల నుంచి వచ్చే కాల్స్‌ను ఆటోమేటిక్‌గా మ్యూట్ చేస్తుంది.
కంపానియన్ మోడ్: ఒకే వాట్సాప్ అకౌంట్‌ను రెండు వేర్వేరు ఫోన్‌లలో ఉపయోగించుకునే అవకాశం ఉంది.
ఈ ఫీచర్లు వాట్సాప్ వినియోగదారులకు మరింత మెరుగైన, సులభమైన ,ఆనందకరమైన అనుభవాన్ని అందిస్తాయి. వాట్సాప్ ఎప్పటికప్పుడు కొత్త ఫీచర్లను విడుదల చేస్తూనే ఉంటుంది. కాబట్టి అప్డేట్లను గమనిస్తూ ఉండటం మంచిది.
