ఐప్యాడ్ యూజర్లకు గుడ్న్యూస్.. ఎట్టకేలకు ఐప్యాడ్ కోసం వాట్సాప్ వచ్చేసింది. మెటా ఐప్యాడ్ కస్టమర్లకోసం ఎంతో ఆసక్తిగా ఎదురుచూస్తున్న ప్రత్యేకమైన వాట్సాప్ యాప్‌ను ప్రకటించింది. ఐప్యాడ్‌ను ఉపయోగిస్తున్నప్పుడు కస్టమర్లు స్నేహితులు, కుటుంబ సభ్యులతో కనెక్ట్ అవ్వడాన్ని సులభతరం చేయడం ఈ యాప్ లక్ష్యం. ఫీచర్ల పరంగా యాప్ ఎండ్ టు ఎండ్ ఎన్‌క్రిప్షన్, 32 మంది వరకు వాయిస్, వీడియో కాల్స్ చేసుకోవచ్చు. స్క్రీన్ షేరింగ్ తోపాటు మరిన్ని ఫీచర్లు అందిస్తుంది.
ఐప్యాడ్ కోసం వాట్సాప్..
పెద్ద స్క్రీన్ ఫాం ఫ్యాక్టర్‌పై మరింత ఉపయోగకరంగా, క్రియా శీలకంగా ఉండేలా మెటా యాప్‌కు కొన్ని నిర్దిష్ట ఫీచర్లను కూడా జోడించింది. ఐప్యాడ్ కోసం వాట్సాప్ ఇప్పుడు ఆపిల్ యాప్ స్టోర్ ద్వారా డౌన్‌లోడ్ చేసుకోవచ్చు. కస్టమర్లు ఇప్పుడే స్టోర్‌కి వెళ్లి యాప్‌ను డౌన్‌లోడ్ చేసుకోవచ్చు.
డౌన్ లోడ్ చేసుకోండిలా.. యాప్ స్టోర్ తెరిచి వాట్సాప్ యాప్‌లో సెర్చ్ చేయాలి. 'గెట్' బటన్‌ను నొక్కి డౌన్‌లోడ్ చేసుకోవాలి.
ఐప్యాడ్ లోవాట్సాప్ ఫీచర్లు
ఐప్యాడ్ కోసం వాట్సాప్ ఐఫోన్‌లో అందించే అన్ని ఫీచర్లను అందిస్తుంది. ఇందులో లేటెస్ట్ సెక్యూరిటీ ఫీచర్లు, కాలింగ్, మీడియా షేరింగ్, స్టేటస్ వంటి ఫీచర్లను అందిస్తుంది. అయితే ఐప్యాడ్ కోసం వాట్సాప్ యాప్‌లో స్టేజ్ మేనేజర్, స్ప్లిట్ వ్యూ ,ఒకేసారి చాలా యాప్‌లను చూసేందుకు స్లయిడ్ ఓవర్ వంటి స్పెషల్ ఫీచర్లు కూడా ఉన్నాయి.
ఈ ఫీచర్లు కస్టమర్ వెబ్ బ్రౌజ్ చేస్తున్నప్పుడు లేదా కాల్‌లో ఉన్నప్పుడు గ్రూప్ చిట్కాల కోసం సెర్చ్ చేస్తున్నప్పుడు మేసేజ్ లు పంపడానికి వీలు కల్పిస్తాయని వాట్సాప్ చెబుతోంది. ఐప్యాడ్ కోసం వాట్సాప్ ఆపిల్ పెన్సిల్,మ్యాజిక్ కీబోర్డ్‌తో కూడా పనిచేస్తుంది.
మీ ఐఫోన్, మాక్ ,ఇతర డివైజ్ లలో మీ చాట్‌లు, కాల్‌లు ,మీడియాను సమకాలీకరించడానికి యాప్ రకరకాల డివైజ్ టెక్నాలజీని ఉపయోగిస్తుందని, అన్ని ప్లాట్‌ఫాంలలో ఎండ్-టు-ఎండ్ ఎన్‌క్రిప్షన్ ఉంటుందని వాట్సాప్ చెబుతోంది. ఏదీ ఏమైనా ఐప్యాడ్ యూజర్లకు వాట్సాప్ మంచి గుడ్ న్యూస్ చెప్పింది. ఇంకెందుకు ఆలస్యం..యాప్ డౌన్ లోడ్ చేసుకోండి..ఎంజాయ్ చేయండి.
