వాట్సాప్లో గ్రూప్ చాట్స్, గ్రూప్ మీటింగ్స్ జరుగుతూనే ఉంటాయి. అయితే, ఒక్కోసారి ఏదైనా మీటింగ్కి చెప్పిన టైం గుర్తుండదు. అందుకే వాట్సాప్లో కాల్ షెడ్యూల్ అనే కొత్త ఫీచర్ తీసుకొచ్చింది కంపెనీ. ఫలానా టైంకి అందరూ వాట్సాప్ కాల్లోకి రావడం కోసం ముందుగానే టైం షెడ్యూల్ చేసుకోవచ్చు. ఇతరులను ఇన్వైట్ చేయొచ్చు. తద్వారా కాల్ స్టార్ట్ అయ్యేముందు వాట్సాప్ అందరినీ అలర్ట్ చేస్తుంది. అంతేకాదు.. ఇన్ కాల్ ఇంటరాక్షన్ టూల్స్ ద్వారా కాల్ మాట్లాడుతున్నప్పుడే ఎమోజీలతో రియాక్ట్ అవ్వొచ్చు.
కాల్ షెడ్యూల్ ఎలా చేయాలంటే.. వాట్సాప్ ఓపెన్ చేసి కాల్స్ ట్యాబ్కి వెళ్లాలి. కాల్ ఐకాన్పై ట్యాప్ చేసి, కాల్ చేసే కాంటాక్ట్ లేదా గ్రూప్ను సెలక్ట్ చేసుకోవాలి. తర్వాత షెడ్యూల్ కాల్ ఆప్షన్ ఎంచుకుని, డేట్, టైం సెట్ చేయాలి. వీడియో కాల్ లేదా ఆడియో కాల్ కూడా సెట్ చేయొచ్చు. ఆపై గ్రీన్ బటన్ను ట్యాప్ చేయాలి. దాంతో షెడ్యూల్ కాల్ అప్ కమింగ్ కాల్స్ లిస్ట్లో కనిపిస్తుంది. అలాగే వాట్సాప్లో మీరు ఎంచుకున్న వాళ్లందరికీ రిమైండర్ సెండ్ చేస్తుంది.
