పిండి కొద్దీ రొట్టె అన్నట్టు... తినే తిండిని బట్టే ఆరోగ్యం. ఎంత ఎక్కువ హెల్దీ ఫుడ్ తింటే ఆరోగ్యానికి అంత మంచిది. మరీ ముఖ్యంగా మినరల్స్తో నిండిన ఫుడ్ తింటే హెల్త్కి ఎలాంటి ఢోకా ఉండదు. ఒకవేళ బాడీలో మినరల్స్ తగ్గితే కండరాలు, ఎముకల ఆరోగ్యం గండంలో పడినట్టే. గుండె, బ్రెయిన్, కిడ్నీ, లివర్ ఇలా ప్రతి బాడీ పార్ట్పైనా మినరల్స్ డెఫిషియెన్సీ ఎఫెక్ట్ పడుతుంది. మరీ ముఖ్యంగా బాడీలో ఐరన్ సరిపడా లేకపోతే స్ట్రెస్, యాంగ్జైటీ మెదడుని అల్లుకుంటాయి. మతిమరుపు తలుపు తడుతుంది. అసలు ఐరన్ లోపానికి, మెంటల్ హెల్త్కి లింక్ ఏంటి? అన్నదేగా అందరి ప్రశ్న. అక్కడికే వస్తున్నాం.
యాంగ్జైటీ, ప్యానిక్ ఎటాక్స్, డిప్రెషన్, మతిమరుపు లాంటివన్నీ ఐరన్ డెఫిషియెన్సీకి సిగ్నల్స్. ‘సైకియాట్రి అండ్ క్లినికల్ న్యూరో సైన్స్’ రీసెర్చ్ ప్రకారం ఐరన్ లోపం వల్ల సైకలాజికల్గా చాలా డిస్టర్బెన్స్లు వస్తాయి. ‘ఫోర్టీస్ మెమోరియల్ రీసెర్చ్ ఇన్స్టిట్యూట్’కి చెందిన క్లినికల్ న్యూట్రిషనిస్ట్ ‘దీప్తి ఖతుజ’ కూడా ఈ మాటే చెబుతున్నారు. ఐరన్కి , సైకలాజికల్ సమస్యలకి సంబంధం ఏంటో కూడా చెప్పారామె.
లింక్ ఏంటంటే..
శరీరంలో ఎర్ర రక్త కణాల తయారీలో ఐరన్దే ‘కీ’ రోల్. ఆక్సిజన్ శరీరంలోని ప్రతి ఆర్గాన్కి చేరుతుందో లేదో తెలుసుకోవడానికి సాయ పడుతుంది ఐరన్. ఒకవేళ ఇది బాడీలో సరిపడా లేకపోతే ఆ ప్రాసెస్కి ఆటంకం కలిగి ఫిజికల్గా చాలా ఇబ్బందులొస్తాయి. అంతేకాదు ఐరన్ లోపం వల్ల సరిగా ఆక్సిజన్ అందక మెదడు ఏ పనిపైనా ఫోకస్ చేయలేదు. రోజువారీ యాక్టివిటీస్ని కూడా మర్చిపోతుంది. మూడ్ స్వింగ్స్, చిరాకు రోజురోజుకి ఎక్కువ అవుతాయి. పోనుపోను అవి యాంగ్జైటీ, డిప్రెషన్లకి దారితీస్తాయి.
ఫ్రస్ట్రేషన్ పెరుగుతుంది
ఐరన్ లోపం ఉంటే రోజంతా అలసటగానే అనిపిస్తుంది. ఎక్కువ రోజులు ఆ జోన్లో ఉండటం వల్ల ఫ్రస్ట్రేషన్ కూడా పెరుగుతుంది. ఇదే విషయాన్ని ‘జర్నల్ ఆఫ్ న్యూట్రిషనల్ సైన్స్ స్టడీ’ కూడా చెప్తోంది. ఈ స్టడీలో భాగంగా ఐరన్ లోపం ఉన్నవాళ్లకి కొద్ది రోజుల పాటు సంప్లిమెంట్స్ ఇచ్చారు. రెగ్యులర్గా సప్లిమెంట్స్ తీసుకున్న వాళ్లలో అలసట తగ్గడమే కాదు మెంటల్ హెల్త్ కూడా బెటర్ అవ్వడం గమనించారు అంటోంది న్యూట్రిషనిస్ట్ దీప్తి . ఈ ఐరన్ లోపం నుంచి బయటపడటానికి ఎలాంటి ఫుడ్ తినాలో కూడా చెప్పారామె.
ఏం తినాలంటే..
ఐరన్ లోపంతో బాధపడేవాళ్లు రోజువారీ డైట్లో ఐరన్ ఎక్కువగా ఉండే ఫుడ్ని చేర్చాలి. ఆకుకూరలు, నల్ల శెనగలు, చుడ్వా( మరమరాలు, అటుకుల పోహా) , అల్లం ఎక్కువగా తినాలి. చికెన్, చేపలు కూడా రెగ్యులర్గా తినాలి. కేవలం ఐరన్ ఉన్న ఫుడ్ తింటే సరిపోదు. శరీరం ఐరన్ని అబ్జార్బ్ చేసుకోవడానికి సాయ పడే విటమిన్–సి ని కూడా తీసుకోవాలి. విటమిన్– సి ఎక్కువగా ఉండే సిట్రస్ ఫ్రూట్స్, బ్రొకోలీ, ఆలుగడ్డ , బ్లాక్ క్యారెట్, పెప్పర్, క్యాబేజీ వీలైనంత ఎక్కువ తినాలి. పులియబెట్టిన, నానబెట్టిన ఫుడ్, ఐరన్ లాంటి న్యూట్రియెంట్స్ని శరీరం త్వరగా అబ్జార్బ్ చేసుకునేలా చేస్తుంది. అందుకే రెగ్యులర్గా మొలకెత్తిన పెసలు, శెనగలు, బొబ్బర్లు, కందులతో పాటు క్యాబేజీ పచ్చడి తినాలి. తిన్న వెంటనే టీ, కాఫీలు తాగితే శరీరం న్యూట్రియెంట్స్ని సరిగా తీసుకోలేదు. అందుకే భోజనానికి, టీ , కాఫీలకి కనీసం ఒక గంట గ్యాప్ ఇవ్వాల్సిందే అన్నారు న్యూట్రిషనిస్ట్ దీప్తి ఖతుజ.
