బంగారం అంటే ఎవరికి ఇష్టం ఉండదు? భూమిపై ఉన్న అత్యంత ఖరీదైన లోహాలలో ఇది ఒకటి. అయితే భూమిపై బంగారం ఎక్కడి నుంచి వస్తుందని మీరు ఎప్పుడైనా ఆలోచించారా? అది కూడా బొగ్గులా సృష్టించబడిందా లేక ఎక్కడి నుంచో వచ్చిందా? గనిలోకి బంగారం ఎలా చేరింది? ఇది అత్యంత ఖరీదైన లోహాలలో ఒకటి అని మనకు ఎప్పుడు తెలుసు? అంటూ ఆన్‌లైన్ ప్లాట్‌ఫారమ్ Quoraలో కొందరు పలు ప్రశ్నలు అడిగారు. దీనికి సరైన సమాధానం మీకు తెలుసా? అయితే దీని గురించి శాస్త్రవేత్తలు ఏమంటున్నారో ఇప్పుడు తెలుసుకుందాం.
అమెరికా అంతరిక్ష పరిశోధనా సంస్థ నాసా శాస్త్రవేత్తలు కొన్నేళ్లుగా దీనిపై పరిశోధనలు చేస్తున్నారు. కానీ ఇటీవల వచ్చిన ఫలితాలు అందర్నీ ఆశ్చర్యపరిచాయి. 'ఖగోళ శాస్త్రం'లో ప్రచురించబడిన నివేదిక ప్రకారం, భూమి ఏర్పడిన సమయంలో బంగారం లేదు. ఆ తరువాత, అనేక గ్రహ శకలాలు దశాబ్దాలుగా భూమిని ఢీకొంటూనే ఉన్నాయి. ఉల్కలు దాదాపు 4 బిలియన్ సంవత్సరాల క్రితం భూమిపై పడ్డాయి. దాంతోపాటు బంగారం, ప్లాటినంను తీసుకువచ్చాయి. ఈ తాకిడి సంభవించినప్పుడు, ఆ సమయాన్ని సైన్స్ భాషలో లేట్ అక్రెషన్ అంటారు. అప్పుడు చంద్రుని పరిమాణంలో ఉన్న శకలాలు భూమిని ఢీకొన్నాయి. వాటితో పాటు అనేక ఇతర ఖనిజాలు కూడా వచ్చాయి.
భూమిపై చాలా బంగారం ఉంది..
భూమి మొత్తం బరువులో 0.5 శాతం బంగారం ఈ తాకిడి వల్ల వచ్చిందని శాస్త్రవేత్తలు తెలిపారు. భూమిలో చాలా బంగారం ఉందని తెలిస్తే మీరు ఆశ్చర్యపోతారు. అన్నింటినీ కలిపితే, మొత్తం భూమి ఉపరితలం 12 అడుగుల వరకు నిండి ఉంటుంది. ప్రస్తుతం, ప్రజలు ఉపయోగిస్తున్న బంగారంలో 75 శాతం గత శతాబ్దం కాలంలో వెలికితీసినవే. ప్రస్తుతం భూగర్భంలో చాలా బంగారం దాగి ఉంది. శాస్త్రవేత్తల ప్రకారం, దాని పరిమాణం రాబోయే కాలంలో పెరుగుతుంది.
చంద్రుడు ఏర్పడిన తర్వాత మార్పు వచ్చిందని..
చంద్రుడు ఏర్పడిన తర్వాత భూమిపై ఇలాంటి వస్తువులు ఢీకొనడం చాలా తరచుగా జరుగుతోందని శాస్త్రవేత్తలు కూడా చెబుతున్నారు. కానీ 3.8 బిలియన్ సంవత్సరాల క్రితం అకస్మాత్తుగా అంతరిక్ష కార్యకలాపాల్లో కొన్ని మార్పులు వచ్చాయి. ఘర్షణలు ఆగిపోయాయి.. దీంతో పాటు ఖనిజాలు కూడా భూమిపై పడటం ఆగిపోయింది. ఒకప్పుడు బంగారం కొనుగోళ్లలో భారతీయులు మొదటి స్థానంలో ఉండేవారు. కానీ నేడు చైనా మొదటి స్థానంలో, భారత్ రెండో స్థానంలో నిలిచాయి. భారతదేశంలో, బంగారాన్ని ఎక్కువగా ఆభరణాల రూపంలో ఉపయోగిస్తారు. అయితే చైనాలో మాత్రం దీన్ని పెట్టుబడిగా ఉపయోగిస్తారు.
