ఐటీ సెక్టార్లో రోజురోజుకూ వైట్కాలర్ జాబ్స్ తగ్గిపోతున్నాయి. ఈ ఏడాది సెప్టెంబరులో 1.21 లక్షల ఖాళీలు ఉండగా, అక్టోబరులో వీటి సంఖ్య 12 శాతం తగ్గి 1.06 లక్షలకు పడ్డాయి. గత మూడేళ్ల డేటాను పరిశీలిస్తే..ఈ సంవత్సరం అక్టోబరులో ఇండియా వైట్కాలర్ జాబ్స్మార్కెట్లో ఐటీ జాబ్స్వాటా 50 శాతం తగ్గిపోయిందని స్పెషలిస్ట్ స్టాఫింగ్ ఫర్మ్ ఫెనో తెలిపింది. లింక్డ్ఇన్తోపాటు పలు టాప్ కంపెనీల జాబ్ బోర్డులను పరిశీలించగా, ఈ విషయం తెలిసిందని పేర్కొంది.
న్యూఢిల్లీ: ప్రపంచవ్యాప్తంగా ముఖ్యమైన మార్కెట్లలో ఆర్థికమాంద్యం సంకేతాలు కనిపిస్తుండటం, ధరల పెరుగుదల వంటి సమస్యల కారణంగా ఐటీ కంపెనీలు ఖర్చులను తగ్గించుకోవడంపై దృష్టి పెట్టాయి. రిక్రూట్మెంట్ను చాలా వరకు తగ్గిస్తున్నాయి. మూడేళ్ల క్రితం డేటాతో పోలిస్తే ఈ ఏడాది అక్టోబరులో వైట్కాలర్స్ జాబ్స్ సంఖ్య 50 శాతం తగ్గింది. స్పెషలిస్ట్ స్టాఫింగ్ ఫర్మ్ ఫెనో లింక్డ్ఇన్తోపాటు పలు టాప్ కంపెనీల జాబ్ బోర్డుల డేటాను పరిశీలించి రిపోర్టును తయారు చేసింది. దీని ప్రకారం ప్రస్తుతం సెప్టెంబరుతో పోలిస్తే అక్టోబరులో యాక్టివ్ జాబ్ వేకెన్సీల సంఖ్య 12 శాతం తగ్గింది. ఇదే కాలంలో మొత్తం యాక్టివ్ జాబ్ ఓపెనింగ్స్ మాత్రం 2.10 లక్షల నుంచి రూ.2.25 లక్షలకు పెరిగాయి. ఐటీ టెక్నాలజీలో సర్వీసులు, ప్రొడక్టులు, ఇంటర్నెట్ ఎనబుల్డ్ సెక్టార్లు కలిసి ఉంటాయి. చాలా ఏళ్ల పాటు వైట్కాలర్స్ జాబ్స్లో ఐటీ సెక్టార్ హవా కొనసాగింది. దాదాపు 80 శాతం వైట్కాలర్స్ జాబ్స్ ఇదే సెక్టార్ నుంచి వచ్చేవి! గ్లోబల్ మార్కెట్లలో సమస్యల కారణంగా కంపెనీలు వైట్కాలర్స్ జాబ్స్ ఇవ్వడానికి జంకుతున్నాయి. టెక్ సెక్టార్ ఇక ముందు కూడా రిక్రూట్మెంట్లను వాయిదా వేస్తూనే ఉంటుందని, ఆర్థికమాంద్యం, ఇన్ఫ్లేషన్, ఆదాయాల తగ్గుదల వంటి సమస్యలే ఇందుకు కారణమని ఫెనో తెలిపింది.
నాన్టెక్ సెక్టార్లో పెరుగుతున్న జాబ్స్
అమెరికా, యూరప్, జపాన్, చైనా మార్కెట్లలో ఐటీ కంపెనీలకు గ్రోత్ సమస్యలు ఉన్నాయని మహీంద్రా గ్రూప్ చీఫ్ ఎకనమిస్ట్ సచ్చిదానంద్ శుక్లా అన్నారు. ఐటీతోపాటు అనుబంధ సెక్టార్లకూ ఇబ్బందులు తప్పవని పేర్కొన్నారు. వచ్చే క్యాలెండర్ సంవత్సరం ముగిసే వరకూ పరిస్థితుల్లో పెద్దగా మార్పులు ఉండకపోవచ్చని అభిప్రాయపడ్డారు. కొన్ని టెక్ కంపెనీల్లో అవసరానికి మించి స్టాఫ్ ఉన్నారని బ్యాంక్ ఆఫ్ బరోడా చీఫ్ఎకానమిస్ట్ మదన్శబ్నవిస్ పేర్కొన్నారు. టెక్ సెక్టార్ యాక్టివ్ వైట్ కాలర్ ఓపెనింగ్స్‌‌‌‌‌‌‌‌‌‌ను తగ్గించుకుంటుండగా, నాన్-టెక్ సెక్టార్ కంపెనీల్లో పెరుగుతున్నాయి.
