న్యూఢిల్లీ: హోల్సేల్ఇన్ఫ్లేషన్ (ధరలు) సెప్టెంబరులో వరుసగా ఆరవ నెలలో మైనస్ 0.26 శాతం వద్ద నెగెటివ్గానే కొనసాగింది. ఆహార పదార్థాలు, ముఖ్యంగా కూరగాయల ధరలు తగ్గాయి. టోకు ధరల సూచిక (డబ్ల్యూపీఐ) ఆధారిత ఇన్ఫ్లేషన్ రేటు ఏప్రిల్ నుంచి నెగెటివ్గానే ఉంది. ఆగస్టులో మైనస్ 0.52 శాతంగా ఉంది. గతేడాది సెప్టెంబర్లో ఇది 10.55 శాతంగా ఉంది. ఆహార ధరల్లో వేగంగా తగ్గుదల కారణంగా డబ్ల్యూపీఐ నెగెటివ్గా ఉందని నిపుణులు తెలిపారు.
గత రెండు నెలల్లో రెండంకెల్లో కొనసాగిన ఆహార వస్తువుల ఇన్ఫ్లేషన్ సెప్టెంబర్లో 3.35 శాతానికి తగ్గింది. ఆగస్టులో ఇది 10.60 శాతంగా ఉంది. కూరగాయల ఇన్ఫ్లేషన్ ఆగస్టులో 48.39 శాతం నుంచి మైనస్15 శాతానికి తగ్గింది. బంగాళదుంప ఇన్ఫ్లేషన్ సెప్టెంబర్లో 25.24 శాతంగా ఉంది. అంతకుముందు నెలలో 24.02 శాతంగా ఉంది. అయితే గత నెలలో పప్పులు, ఉల్లిపాయలు, పాలు, పండ్ల వంటి ఆహార పదార్థాల ధరలు కొంత పెరగడం కనిపించింది.
పప్పు దినుసుల ఇన్ఫ్లేషన్ 17.69 శాతం కాగా, ఉల్లి 55.05 శాతం గరిష్ట స్థాయికి చేరుకుంది. ఎనర్జీ, పవర్ బాస్కెట్ ఇన్ఫ్లేషన్ సెప్టెంబర్లో 3.35 శాతంగా ఉంది, ఆగస్టులో 6.03 శాతంగా ఉంది. తయారు చేసిన ఉత్పత్తులలో ఇన్ఫ్లేషన్ రేటు 1.34 శాతం, ఆగస్టులో 2.37 శాతం ఉంది. ఈ ఏడాది సెప్టెంబర్లో ప్రధానంగా రసాయన ఉత్పత్తులు, మినరల్ ఆయిల్స్, టెక్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌టైల్స్, బేసిక్ మెటల్స్, ఫుడ్ ప్రొడక్ట్స్ ధరలు తగ్గాయని కేంద్ర వాణిజ్య పరిశ్రమ మంత్రిత్వ శాఖ సోమవారం తెలిపింది.
