- యాంటీబయాటిక్స్, డయాబెటిస్ కేర్‌‌‌‌‌‌‌‌పై దృష్టి
ముంబై: భారతీయ ఫార్మాస్యూటికల్ కంపెనీ వొక్హార్డ్ అమెరికాలోని తన జెనరిక్ మందుల వ్యాపారం నుండి వైదొలగాలని నిర్ణయించుకుంది. నష్టాలు వస్తున్న ఈ విభాగాన్ని మూసివేసి, కొత్త మందుల ఆవిష్కరణ, లాభదాయకమైన రంగాలపై దృష్టి పెడతామని కంపెనీ ప్రకటించింది. కంపెనీ తన యూఎస్ అనుబంధ సంస్థలైన వొక్హార్డ్ యూఎస్ఏ, మోర్టన్ గ్రోవ్ ఫార్మాస్యూటికల్స్ కోసం లిక్విడేషన్ ప్రక్రియలను ప్రారంభించింది. ది.
వొక్హార్డ్ ఇకపై యాంటీ బయాటిక్ డ్రగ్స్ పరిశోధన, అభివృద్ధి, డయాబెటిస్ కేర్‌‌‌‌‌‌‌‌కు సంబంధించిన బయోలాజికల్ ఉత్పత్తుల (ఇన్సులిన్ వంటివి) పోర్ట్‌‌‌‌‌‌‌‌ఫోలియోపై మరింత దృష్టి సారించనుంది. గత కొన్నేళ్లుగా యూఎస్ జెనరిక్ వ్యాపారం నష్టాలను చవిచూసిందని, 2025 ఆర్థిక సంవత్సరంలోనే దాదాపు 8 మిలియన్ డాలర్ల నష్టం వచ్చిందని వొక్హార్డ్ పేర్కొంది.
