లక్నో: మా కోడలు ఆత్మహత్యలో మాకు సంబంధం లేదు.. మేం అమాయకులం.. కావాలంటే మా దగ్గర బలమైన ఆధారం ఉంది చూడమంటూ.. వీడియో చూపించారు అత్తామామలు. కొంత కాలంగా తమ కోడల్ని అదనపు కట్నం కోసం వేధించిన వీరు.. సూటిపోటి మాటలతో ఆమెను ఆత్మహత్య చేసుకునేలా ప్రేరేపించి.. ఆమె చనిపోయిన తర్వాత తమ నిర్దోషిత్వాన్ని చాటుకునేందుకు వారు వీడియో చూపించారు. మరికొంత మంది సన్నిహితులకు షేర్ చేసిన వీడియో సోషల్ మీడియాలో కలకలం రేపింది. సభ్య సమాజం తలదించుకునేలా రాక్షసంగా వ్యవహరించిన అత్తామామల ఉదంతం ఉత్తర్ ప్రదేశ్ రాష్ట్రంలోని ముజఫర్ నగర్ లో జరిగింది. ఒకింత ఆలస్యంగా వెలుగులోకి వచ్చిన ఘటన చర్చనీయాంశం అయింది. కోడలు మామాటే వినలేదు.. మేం ఎంత చెప్పినా వినకుండా ఇలా చేసుకుందంటూ వాట్సప్ లో షేర్ చేసిన వీడియో వైరల్ కావడంతో పోలీసులు హుటాహుటిన స్పందించారు. అసలేం ఏం జరిగిందంటే.. 26 ఏళ్ల కోమల్ కు 2019లో డాటియానా గ్రామానికి చెందిన ఆశిష్ తో పెళ్లి జరిగింది. పెళ్లి సమయంలో 5 లక్షల రూపాయల నగదు, ఒక బైకును కట్నం కింద ఇచ్చారు. పెళ్లయిన తర్వాత అత్తమామలతో కలిసి ఉంటోంది. కరోనా తర్వాత ఆర్ధికంగా ఇబ్బందులు ఎదురు కావడంతో అదనపు కట్నం తీసుకురమ్మని అత్తమామలు వేధించడం ప్రారంభించారు. గత ఆరు నెలలుగా సూటి పోటి మాటలతో మానసికంగా వేధించడం శృతి మించిపోవడంతో ఆమె తన కష్టాలను భర్తకు చెప్పుకుంది. అతను కూడా తల్లిదండ్రులను వెనకేసుకుని రావడంతో భరించలేక పుట్టింటికిపోయింది. కొద్ది రోజుల తర్వాత కోమల్ తల్లిదండ్రులు, గ్రామ పెద్దల ద్వారా చర్చలు జరపడంతో ఆమె రాజీపడి కొద్ది రోజుల క్రితం తిరిగి అత్తారింటికి వచ్చింది. అయితే అత్త మామలు మళ్లీ కోమల్ ని సూటి పోటి మాటలతో వేధించడం మొదలు పెట్టడంతో ఆమె ఎదురు ప్రశ్నించింది. మాటా మాటా పెరడడంతో ఆదివారం తీవ్ర మనస్తాపానికి గురైంది. తన గదికి తలుపు వేసుకుని ఫ్యాన్ కు ఉరేసుకుని ఆత్మహత్యకు పాల్పడింది. కోడలు కోమల్ చేస్తున్నప్రయత్నాలను నిలువరించకుండా అత్తా..మామలు కిటికీలో నుంచి కోమల్ ఉరేసుకుంటున్న వీడియో తీసి దాచిపెట్టుకున్నారు. అంత్యక్రియలకు వచ్చిన వారంతా వీరి కుటుంబంపై అనుమానం వ్యక్తం చేయడంతో తాము నిర్దోషులమని నమ్మబలికారు. తమ దగ్గర బలమైన ఆధారముందని బుకాయించారు. ఆత్మహత్యకు ముందు తాము కిటికీలో నుంచి తీసిన వీడియోను సన్నిహితులకు షేర్ చేశారు. ఈ వీడియో కాస్త వైరల్ కావడంతో పోలీసులు స్పందించి కోమల్ అత్తా మామాలతోపాటు.. ఆమె భర్త.. పరోక్షంగా సంబంధం బయటపడడంతో ఆమె బావలపై కూడా కేసు నమోదు చేశారు.
కళ్ల ముందే ఉరేసుకున్న కోడలు.. వీడియో తీసి షేర్ చేసిన అత్తామామలు
- క్రైమ్
- April 14, 2021
లేటెస్ట్
- కేసీఆర్ పై సీఎం రేవంత్ ఫైర్ | కేసీఆర్ బస్సు యాత్ర | రేవంత్ Vs హరీష్ | గడ్డం వంశీ-పెద్దపల్లి | V6 తీన్మార్
- 12 సీట్లిస్తే సర్కారు మెడలు వంచుతం : కేసీఆర్
- నువ్వు కట్టిన అద్భుతమేందో..కాళేశ్వరం దగ్గర్నే చర్చిద్దాం రా : సీఎం రేవంత్రెడ్డి
- కోహ్లీ కోసం..నేడు ఉప్పల్లో ఆర్సీబీతో సన్రైజర్స్ మ్యాచ్..అందరి ఫోకస్ విరాట్పైనే
- DC vs GT: మిల్లర్, రషీద్ మెరుపులు వృధా.. చివరి బంతికి గెలిచిన ఢిల్లీ క్యాపిటల్స్
- ఇంటర్ ఫెయిల్: మనస్థాపంతో ఇద్దరు విద్యార్థుల ఆత్మహత్య
- మరోసారి అంతరిక్ష యాత్రకు సునీత విలియమ్స్
- DC vs GT: మోహిత్ శర్మను చితక్కొట్టిన పంత్.. ఐపీఎల్ చరిత్రలోనే చెత్త రికార్డ్
- లోక్ సభ ఎన్నికల్లో బీఆర్ఎస్ కు ఒక్క సీటు కూడా రాదు: ఉత్తమ్ కుమార్ రెడ్డి
- వైసీపీకి మద్దతు తెలిపిన దిల్ రాజు.. వీడియో వైరల్..
Most Read News
- రైలు చక్రాల మధ్య కూర్చుని వంద కిలోమీటర్లు ప్రయాణించిన బాలుడు
- ఇండో స్పిరిట్ ఉద్యోగిగా కవిత మేనల్లుడు
- Gold Rates : హమ్మయ్యా.. బంగారం, వెండి ధరలు తగ్గాయోచ్
- తెలంగాణ ఇంటర్ ఫలితాలు విడుదల టాప్ ప్లేస్ లో ఆ జిల్లానే
- SRH vs RCB: ఈ సారి 300 పక్కా: బెంగళూరు బౌలర్లను వణికిస్తున్న సన్ రైజర్స్
- DC vs GT: మోహిత్ శర్మను చితక్కొట్టిన పంత్.. ఐపీఎల్ చరిత్రలోనే చెత్త రికార్డ్
- Kitchen Tips : ప్యాకెట్ పాలను ఎలా కాగబెట్టాలి.. మరిగిస్తే పోషకాలు పోతాయా..?
- విరాట్ కోహ్లీ వచ్చిండు
- కేసీఆర్ కాన్వాయ్కు ప్రమాదం.. 8 వాహనాలు ధ్వంసం
- విద్యుత్ శాఖ అధికారి అనిల్ ఇంట్లో ఏసీబీ దాడులు