మా భూభాగం ఉంచి ఇరాన్ పై దాడి చేస్తామంటే ఊరుకోం..ఇరాన్పై జరిగే ఎటువంటి సైనిక చర్యలలో తమ గగనతలం, భూభాగం,జలాలను ఉపయోగించుకోకూడదని అమెరికాకు యునైటెడ్ అరబ్ ఎమిరేట్స్(UAE ) అల్టీమేటం జారీ చేసింది. ఈ విషయంలో ఎటువంటి లాజిస్టికల్ మద్దతును అందించమని స్పష్టం చేసింది. ప్రస్తుత సంక్షోభాలను పరిష్కరించేందుకు చర్చలు, ఉద్రిక్తతలను తగ్గించడం, అంతర్జాతీయ చట్టానికి కట్టుబడి ఉండటం, సార్వభౌమాధికారాన్ని గౌరవించడం అత్యంత ప్రభావవంతమైన పునాదులు అని UAE నమ్మకాన్ని పునరుద్ఘాటించింది.
ఇరాన్లో పెరుగుతున్న ఆందోళనలు.. నిరసనలను అదుపు చేసేందుకు ఇరాన్ కఠిన చర్యలు.. ఇరాన్ లో నిరసనకారులపై అణచివేత కు ప్రతీకారం తప్పదని అమెరికా వార్నింగ్.. ఇప్పటికే ఇరాన్ సరిహద్దుల్లో సైనికబలగాల మోహరింపు.. పరిస్థితిపై ఖమేనీ, ట్రంప్ ప్రకటనలు పరిస్థితిని మరింతి ఉధృతంగా మారుస్తున్న క్రమంలో అమెరికా ప్రత్యక్షంగా ఇరాన్ పై యుద్దానికి దిగుతుంది అనే వార్తలు వస్తున్నాయి. ఒకవేళ అమెరికా ప్రత్యక్ష సైనిక చర్యలకు దిగితే ఇరాన్ కు మద్దతుగా నిలిచే దేశాలు ఏవీ.. ఏయే దేశాలు అమెరికాకు సైనిక చర్యను సమర్థిస్తాయి అనే చర్చజరుగుతోంది. ఈక్రమంలో యూనైటెడ్ అరబ్ ఎమిరేట్స్ ఇరాన్ కు పూర్తి స్థాయి మద్దతును ప్రకటించింది.
ఇరాన్ పని అయిపోయినట్లే.. అది మరో వెనెజులా అయ్యేలా ఉంది. అటు భారీ దాడికి అమెరికా రెడీ అవుతున్నట్లు.. ఖమేనీ బంకర్లలోకి పారిపోయినట్లు.. త్వరలో ఇరాన్ అమెరికా హస్తగతం అవుతుందని వార్తలు వినిపిస్తున్న క్రమంలో యూఏఈ ఈ ప్రకటన చేసింది.
ఇరాన్ లో అంతర్గత నిరసనలు.. 5వేలమంది నిరసనకారులు మృతిచెందిన తర్వాత ఉద్రిక్త పరిస్థితులు నెలకొన్నాయి. నిరసనకారులకు ట్రంప్ మద్దుతు ప్రకటించడం.. నిరసనకారులను అణచివేస్తే సైనిక చర్యలు తప్పవంటూ ట్రంప్ వార్నింగ్ తరవాత అమెరికా వార్ షిప్ , యుద్ద విమానాలు ఇరాన్ ను చుట్టుముట్టాయి. మరోవైపు ఇరాన్ సుప్రీం లీడర్ ఖమేనీ కూడా యుద్దానికే సిద్దమయినట్లు తెలుస్తోంది.. తన బాద్యతలను అతని కుమారుడికి అప్పజెప్పీ బంకర్లోకి వెళ్లినట్లు వార్తలొస్తున్నాయి.
►ALSO READ | ఫిలిప్పీన్స్ సముద్రంలో ఫెర్రీ మునిగి..18 మంది మృతి
ఇక యుద్దమే గనక వస్తే.. అమెరికాకే ఎక్కువ అవకాశాలున్నాయంటున్నారు. ఇరాన్ పక్షాన నిలబడి అమెరికాను ఎదరించే శక్తులు లేవు. వెనుజులాపై అమెరికా దాడి తర్వాత గ్లోబల్ కమ్యూనిటీకి అమెరికాను అడ్డుకునే సామర్థ్యం లేదని తేలిపోయింది. ఇరాన్ కు మద్దతుగా ప్రకటనలు, ఖండించడం చేయొచ్చుగానీ పూర్తిస్థాయిలో చేయగలిగేదేమీ లేదు. చైనాకు వెనుజులా లార్జెస్ట్ ట్రేడింగ్ పార్టినర్, వెనుజులా ఆయిల్స్ లో లాభపడింది చైనా.. వెనుజులాలో చైనా భారీగా పెట్టుబడులు పెట్టింది. మరోవైపు వెనుజులాలో రష్యాతో డిఫెన్స్ కోఆపరేషన్ కూడా వెనుజులాకు ఉంది.. అయినప్పటికీ వెనుజులాలో అమెరికా ఆపరేషన్ ను రష్యా, చైనా అడ్డుకోలేకపోయాయి. ఆపరేషన్ తర్వాత కూడా ఏమీ చేయలేకపోయాయి. ఇదే అదనుగా అమెరికా ఇరాన్ పై ఆధిపత్యం పెంచుకునే అవకాశాలున్నాయంటున్నారు.
అమెరికా ఇరాన్ మధ్య యుద్దం మొదలైతే మూడో ప్రపంచ యుద్దానికి దారి తీసే అవకాశం ఉందని రాజకీయ నిపుణులు చెబుతున్నారు. ప్రపంచ దేశాలు రెండు వర్గాలుగా చీలి పోయే అవకాశం ఉంది. ఇరాన్ కు మద్దతుగా రష్యా, చైనా, ఉత్తర కొరియా దేశాలతోపాటు యూఏఈ సపోర్టుగా నిలవనున్నాయి. ఇరాన్ కు అత్యాధినిక ఆయుదాలు, చైనా అంతర్జాతీయ వేదికలపై సపోర్టు, అమెరికాపై కోపంతో ఉత్తర కొరియా దేశాలు ఇరాన్ పక్షాన నిలబడే ఛాన్స్ ఉన్నప్పటికీ పూర్తి స్తాయిలో ఇరాన్ ను ఆదుకునే అవకాశాలు తక్కువేనని అంటున్నారు.
