అమెజాన్, ఫ్లిప్కార్ట్ వంటి ఆన్లైన్ సైట్లలో ఏదైనా వస్తువు ఆర్డర్ పెట్టినప్పుడు దానికి బదులుగా మరొకటి రావడం, బాక్స్లో రాళ్లు, ఇటుకలు ఉండడం చూస్తూనే ఉంటాం. ఎందుకంటే.. అవి కొత్త వస్తువులు కాబట్టి, ట్రాన్స్పోర్ట్ చేసేటప్పుడు ఎవరైనా దొంగిలించి ఉంటారు. కానీ.. ఇక్కడ సెకండ్ హ్యాండ్ ప్యాంట్ కొంటే.. దాన్ని కూడా మాయం చేశారు. డెపాప్‌ అనే సెకండ్ హ్యాండ్ ఫ్యాషన్ సైట్ బ్రిటన్లో సర్వీసులు అందిస్తుంది.
ఇందులో ఎవరైనా తమ సెకండ్ హ్యాండ్ బట్టలు, ఫ్యాషన్ వేర్ అమ్ముకోవచ్చు, కొనుక్కోవచ్చు. అయితే.. ఈ సైట్ నుంచి ఒకావిడ లెవిస్ జీన్స్‌‌ని ఆర్డర్ పెట్టింది. పార్శిల్ వచ్చిన తర్వాత ఓపెన్ చేసి చూస్తే.. అందులో ప్యాంట్కు బదులు చిన్న ఉల్లిగడ్డలు ఉన్నాయి. వెంటనే ఆమె ఆ ప్యాంట్ అమ్మిన సెల్లర్కి మెసేజ్ చేసింది. ‘‘నేను పంపింది జీన్స్ అయితే.. మీకు ఉల్లిగడ్డలు ఎలా వచ్చాయ’’ని అతను కూడా ఆశ్చర్యపోయాడు. ఈ విషయాన్ని ఆమె ట్విట్టర్లో షేర్ చేసింది. ఈ పోస్ట్ బాగా వైరల్ అవుతోంది.
