ఘజియాబాద్: ఉత్తరప్రదేశ్లోని ఘజియాబాద్‌‌‌‌‌‌‌‌జిల్లాలో మొదటిసారిగా పూర్తిగా మహిళా అధికారులతో కూడిన టీమ్ ఎన్‌‌‌‌‌‌‌‌కౌంటర్ చేసి.. వివిధ కేసుల్లో ఆరోపణలు ఎదుర్కొంటున్న 22 ఏండ్ల జితేంద్ర అనే నేరస్థుడిని అరెస్టు చేసింది. ఘజియాబాద్ కమిషనరేట్కు చెందిన విమెన్ పోలీస్ స్టేషన్ ఎస్ఐలు రితు త్యాగి, ఉపాసనా పాండే నేతృత్వంలో టీం ఆదివారం రాత్రి లోహియా నగర్ ప్రాంతంలో పెట్రోలింగ్ చేస్తూ.. చెక్‌‌‌‌‌‌‌‌పాయింట్ వద్ద జితేంద్రను ఆపారు. ఆ సమయంలో అతడు ఢిల్లీలో దొంగిలించిన స్కూటర్పై వస్తున్నాడు. పోలీసులు అడ్డుకున్నా ఆగకుండా జితేంద్ర తప్పించుకోవడానికి ప్రయత్నించాడు.
తన వద్ద ఉన్న దేశీ పిస్టల్తో పోలీసులపై కాల్పులు జరిపాడు. దీంతో మహిళా పోలీసు బృందం ఆత్మరక్షణలో భాగంగా తిరిగి కాల్పులు జరిపింది. ఈ కాల్పుల్లో అతని కాళ్లకు బులెట్ గాయాలయ్యాయి. కింద పడిపోయిన జితేంద్రను వెంటనే వారు అరెస్టు చేశారు. ఉత్తరప్రదేశ్లో పూర్తిగా మహిళా పోలీసులు టీం ఎన్కౌంటర్జరపడం ఇదే మొదటిసారి. జితేంద్రపై స్నాచింగ్, రాబరీ, దొంగతనం సహా పలు కేసులు ఉన్నాయని పోలీసులు తెలిపారు.
