ఫోన్ని ఛార్జ్ చేసే కీచైన్!
పోర్టబుల్ పవర్ బ్యాంక్
వెళ్లిన ప్రతిచోటికి పవర్ బ్యాంక్ తీసుకెళ్లడం చాలా కష్టమైన పని. కానీ ఎప్పుడైనా మొబైల్ ఛార్జింగ్ పూర్తిగా అయిపోయి.. ఎమర్జెన్సీగా ఫోన్ చేసుకోవాల్సి వస్తే? అలాంటప్పుడు ఈ కీ చైన్ దగ్గరుంటే చాలు. దీంతో మొబైల్ని ఛార్జింగ్ చేసుకోవచ్చు. అదేంటి కీచైన్తో మొబైల్ని ఛార్జ్ చేస్తాం? అంటారా? మామూలు కీచైన్తో అయితే సాధ్యపడదు. కానీ ఇది పవర్ బ్యాంక్ కీచైన్. దీంతో ఎమర్జెన్సీ టైంలో మొబైల్ని కాసేపు ఛార్జ్ చేసుకోవచ్చు. ఇందులో1600mAh హై క్వాలిటీ బ్యాటరీ ఉంటుంది. చాలా చిన్న సైజులో ఉంటుంది.
ధర: 1,099 రూపాయలు
ఛార్జింగ్ ఎక్స్టెన్షన్బాక్స్
కంప్యూటర్ కోసం చాలామంది పవర్ ఎక్స్టెన్షన్ బాక్స్లను వాడుతుంటారు. కానీ.. ఇప్పుడు అందరూ ఎక్కువ గాడ్జెట్స్ వాడుతుండడంతో వాటన్నింటికీ ఛార్జింగ్ పెట్టాల్సి వస్తుంది. దాంతో ఆ బాక్స్లకు ఉండే పవర్ సాకెట్లు కూడా సరిపోవడం లేదు. అందుకే కొందరు చాలా ఎక్కువ సాకెట్లు ఉండే బాక్స్లను కొంటున్నారు. కానీ.. ఈ పవర్ ఛార్జ్–2 బాక్స్ ఉంటే ఆ అవసరం లేదు. లైవ్ టెక్ కంపెనీ ప్రత్యేకంగా ఒక పవర్ ఎక్స్టెన్షన్ బాక్స్ని మార్కెట్లోకి తెచ్చింది. దీనికి యూనివర్సల్ పవర్ సాకెట్లతోపాటు యూఎస్బీ పోర్ట్లు కూడా ఉంటాయి. పవర్ సాకెట్లలో యూఎస్ ప్లగ్, యూకే ప్లగ్ పెట్టుకోవచ్చు. ప్రపంచవ్యాప్తంగా ఏ దేశంలో అయినా వాడేందుకు ఇది సరిపోతుంది. దీనికి 5 యూఎస్బీ ఛార్జింగ్ పోర్ట్లు ఉంటాయి. అవి క్వాల్కమ్ 3.0 ఫాస్ట్ ఛార్జింగ్ సపోర్ట్ చేస్తాయి. అంతేకాదు.. దీనికి ఆటో షట్ టైమర్ కూడా ఉంటుంది. సెట్ చేసి పెట్టుకున్న టైంకి ఛార్జ్ అవడం ఆగిపోతుంది. ప్రతి ప్లగ్లో ప్లాస్టిక్ ఇన్సర్ట్లు ఉంటాయి. ఇవి పిల్లల చిన్న వేళ్లు పెట్టకుండా కాపాడతాయి.
ధర: 1,249 రూపాయలు
ఎలక్ట్రిక్ ఎయిర్ బ్లోయర్
ఇంట్లో కెమెరాలు, ఎలక్ట్రిక్ గాడ్జెట్లు ఎక్కువగా ఉన్నవాళ్లు వాటిని క్లీన్ చేసేందుకు చాలా ఇబ్బంది పడతారు. కానీ.. ఈ గాడ్జెట్ ఉంటే దుమ్ము, ధూళిని ఈజీగా క్లీన్ చేయొచ్చు. వీఎస్జీవో కంపెనీ దీన్ని తయారుచేసింది. ఇందులో 1,00,000rpm హై-స్పీడ్ ట్యూరో మోటారు ఉంటుంది. ఎయిర్ పవర్ 120km/h వరకు ఉంటుంది. ముఖ్యంగా కెమెరాలు, లెన్స్ల్లో ధూళిని క్లీన్ చేయడానికి ఇది బెస్ట్ గాడ్జెట్. ఈ బ్లోయర్ చాలా చిన్నగా ఉంటుంది. ఎత్తు 4.5 అంగుళాలు మాత్రమే. అందుకే మీరు ఎక్కడికెళ్లినా జేబులో పెట్టుకుని తీసుకెళ్లొచ్చు. ఇందులో 1200 mAh బ్యాటరీ ఉంటుంది. ఒక గంట పనిచేస్తుంది. యూఎస్బీ టైప్–సి ఛార్జర్తో ఛార్జింగ్ పెట్టుకోవచ్చు.
ధర: 9,677 రూపాయలు
ఆర్టికెల్ డెస్క్
ఇప్పుడు చాలా కంపెనీలు ఉద్యోగులు ఆఫీస్కు వచ్చి పనిచేస్తామంటున్నా ‘నో’ అంటున్నాయి. వర్క్ ఫ్రం హోం చేయాలని కండిషన్లు పెడుతున్నాయి. అందుకే ఇంట్లో కూడా ఆఫీస్లో ఉండే ఫెసిలిటీస్ ఏర్పాటు చేసుకుంటున్నారు చాలామంది. ముఖ్యంగా మంచి డెస్క్ కొంటున్నారు. అలాంటివాళ్లకు ఇది బెస్ట్ చాయిస్. దీన్ని ఇండస్ట్రియల్ -గ్రేడ్ స్టీల్ ఫ్రేమ్, ఇంటర్నల్ ఎలక్ట్రిక్ మోటార్ లిఫ్ట్ మెకానిజంతో తయారుచేశారు. ఈ స్టాండింగ్ డెస్క్ ఎత్తుని కావాల్సినట్టు పెంచుకోవచ్చు. తగ్గించుకోవచ్చు. నాలుగు ప్రోగ్రామబుల్ హైట్ ప్రి–సెట్లు కూడా ఉన్నాయి. చైల్డ్ లాక్ బటన్ కూడా ఉంది. ఇంటిగ్రేటెడ్ యూఎస్బీ పోర్ట్లు ఉన్నాయి. స్టోరేజ్ డ్రాయర్ కూడా ఉంది.
ధర: 29,999 రూపాయలు